काठमाडौं १० कात्ति । इजरायलले इरानका सैन्य लक्ष्यहरू विरुद्ध आक्रमण गरिरहेको र तेहरानभार मिसाई ससाइरनको चर्को आवाज आइरहेको बताइएको छ ।न्यूयोर्क टाइम्सका अनुसार इजरायली रक्षा बलले उक्त आक्रमणलाई इरानको ूनिरन्तर आक्रमणू को प्रतिक्रिया भनेको छ।
इरानको राजधानीमा विस्फोटको आवाज सुनिएको तेहरानको सरकारी मिडियाले जनाएको छ। आक्रमणको परिमाण र अवधि तुरुन्तै स्पष्ट भने हुन सकेको छैन । यो आक्रमण अमेरिकी विदेश मन्त्री एन्टोनी ब्लिकेनले इजरायलको भ्रमण लगत्तै भएको हो । तर एक इजरायली अधिकारीले वर्गीकृत योजनाको बारेमा छलफल गर्न नाम न छाप्ने सर्तमा बोल्दै इजरायलले इरानको तेल उत्पादन वा आणविक अनुसन्धान साइटहरूमा आक्रमण नगर्ने स्पष्ट गरेको पश्चिमी सञ्चामाध्यमले जनाएका छन् ।

यस महिनाको सुरुमा इरानले हेजबुल्लाहका नेता हसन नस्रल्लाह र हमासका प्रमुख इस्माइल हानियाहको हत्याको बदलामा इजरायलमा करिब २०० वटा ब्यालेस्टिक क्षेप्यास्त्र प्रहार गरेको थियो।

इजरायल र इरानबिच अवस्थित इराकका सबै एयरपोर्टहरूमा हवाई यातायात स्थगित गरिएको भन्दै स्थानीय मिडियाका अनुसार यातायात मन्त्री रजाक मोहिब्स अल– सादावीले बताए । ‘क्षेत्रीय तनावका कारण इराकी हवाई क्षेत्रमा नागरिक उड्डयनको सुरक्षा सुनिश्चित गर्न अर्को सूचना नआउन्जेल इराकी हवाई यातायात स्थगित गरिएको छ।’ अक्टोबर १ मा इरानले इजरायलमा ब्यालेस्टिक क्षेप्यास्त्र प्रहार गरेपछि इराकले पनि अस्थायी रूपमा हवाई यातायात स्थगित गरेको थियो।