काठमाडौं, १९ असोज । नागरिक समाजका अगुवा तथा वरिष्ठ चिकित्सक डा. सुन्दरमणी दिक्षितले राष्ट्रिय स्वतन्त्र पार्टी –रास्वपा)का सभापति तथा पूर्व गृहमन्त्री रवि लामिछाने विरुद्धको मुद्धा कम्जोर हुने बताए छन् । संसदिय छानविन समितिले दोष देखाएपनि सरकारले कम्जोर बनाउने जिकिर गरे । एबीसी टेलिभिजनको कार्यक्रम आउटलुकका लागि प्रधानसम्पादक शुभशंकर कँडेलसँग कुराकानी गर्दै उनले लामिछाने दोषि हुदा हुदौपनि उनिमाथी मुद्धा चलाउदा काँग्रेस एमालेले गरेका लालित निवास, गरिबन्धु वाइडबडी लगाएतका विभिन्न काण्डहरु बाहिर आउने भएकोले सरकारले नै मुद्धा कम्जोर बनाएर अदालत लैजाने बताए ।

उनले रवी लामिछाने सहकारीको रकम हिनामिना गर्ने दोषी भएको तर्क समेत गरे । उनले चितवनका सबै जनतालाई गुमराहमा राखेर निर्वाचन जितेको पनि दिक्षितले आरोप समेत लगाए । उनले आफ्नै गल्तिले दुई दुई पटक निर्वाचन लड्ने पैशा काहा बाट आयो भनि प्रश्न समेत गरे । लामिछानेमाथि सहकारीको अरबौं रकम अपचलन गरेको आरोप छ । सहकारीको रकम अपचलनबारे अनुसन्धान गर्न गठित छानबिन विशेष समितिले पनि लामिछानेलाई सहकारीको रकम अपचलन गरेको ठहर गर्दै कारवाहीका लागि सिफारिस गरेको छ ।

लामिछानेले सहकारीबाट आएको रकम गोरखा मिडिया नेटवर्कमार्फत् अपचलन गरेको समितिले ठहर गरेको छ । लामिछाने प्रबन्ध निर्देशक रहेकै समयमा पोखराको सूर्यदर्शन,बुटवलको सुप्रिम, काठमाडौंको स्वर्णलक्ष्मी र चितवनको सहारा सहकारीबाट ८१ करोड ३१ लाख रुपैयाँ गैरकानुनी रूपमा गोर्खा मिडिया नेटवर्कमा गएको देखिएको समितिको ठहर छ । संसदीय छानविन समितिको प्रतिवेदन कार्यान्वायनमा गएसँगै पूर्वगृहमन्त्री रवि लामिछानेविरुद्धको अनुसन्धानलाई प्रहरीले तिव्रता दिएको छ ।

जिबी राई समूहले सञ्चालन गरेको चितवनको साहारा चितवन सहकारीबाट पनि गोर्खा मिडियामा पैसा गएको हो । सो पैसा टेलिभिजनका प्रबन्ध निर्देशकका रुपमा उनले अपचलन गरेको अभियोग रविमाथि लागेको छ । स्रोतका अनुसार साहारा सहकारीको अनुसन्धान प्रतिवेदन केही दिनमै बुझाउन लागिएको छ । सोही कारण चितवन प्रहरीले अनुसन्धानलाई तिव्रता दिएको छ । वरिष्ठ चिकित्सक शुन्दरमणी दिक्षीतको अन्तर्वार्ता शनिवार ९ बजे र आइतबार विहान ७ बजे पुन प्रसारण हुनेछ । यो अन्तर्वार्ता एबीसी टिभी नेपाल युट्युव च्यानलमा पनि हेर्न सकिनेछ ।