काठमाडौं १४ असोज । कार्यवाहक प्रधानमन्त्री प्रकाशमान सिंहले नख्खुखोलाले बगाएका दुई जनाको उद्धार गर्ने चणिकलाल तामाङको साहसको प्रशंसा गर्दै सम्मान गरेका छन्।

आज शहरी विकास मन्त्रालयमा बोलाएर उपप्रधानमन्त्री सिंहले तामाङलाई सम्मान गरेका हुन्।

तामाङले शनिबार ललितपुर महानगरपालिका २५ सुगम टोलस्थित नख्खु खोलाले बगाएका रौतहटका ४३ वर्षीय राजु साह र उनकी छोरी ६ वर्षीया मेघनालाई उर्लंदो भेलमा हेलिएर उद्धार गरेका थिए।

कार्यवाहक प्रधानमन्त्री सिंहले मानवीय भावना देखाएर नदिमा बगिरहेकाहरुको उद्धार गरेको भन्दै तामाङको साहसी कामको प्रशंसा गरे।

‘तपाईं आफैँलाई जोखिममा राखेर उद्धारमा खटिनुभयो। मानवीयता देखाउनुभयो। तपाईंको साहसको उच्च प्रशंसा गर्दछु,’ उउनले भने, ‘ सरकारले अहिले राहत र उद्धारमा काम गरिररहेको छ। घाइतेहरुको उपचारको जिम्मा लिने भनेर घोषणा गरिसकेको छ। घाइतेको उपचारमा सरकारले प्राथमिकताका साथ काम गरिररहेको छ।’

तामाङले घाइतेहरुको उपचारमा विशेष ध्यान दिन सिंहलाई आग्रह गरेका छन्। तामाङलाई बागमती प्रदेश सरकारले डेढलाख रुपैयाँ नगदसहित सम्मान गर्ने घोषणा गरेको छ।

नख्खुको उर्लँदो भेलमा हेलिएर चनिकलालले ४ मिनेटमै गरे राज र मेघनाको उद्धार  अस्पतालको बेडबाट नख्खुमा बेपत्ता बहिनी खोज्दै छिन् मेघना, जवाफ दिन सक्दैनन् राजु  चणिकलाललाई डेढ लाख नगदसहित बागमती सरकारले सम्मान गर्ने