काठमाडौं । सर्वोच्च अदालत लगायतमा न्यायाधीश नियुक्ति सिफारिस समावेसी सिद्धान्तविपरित भएको भन्दै आदिवासी कानुन व्यवसायी संघले विरोध जनाएको छ ।

हालै सर्वोच्च अदालतमा दुई न्यायाधीश नियुक्ति सिफारिस भएका छन् । केही समयअघि अन्य न्यायाधीशहरु समेत नियुक्ति भएका छन् । तर, त्यसरी नियुक्त भएका न्यायाधीशहरु नेपालको संविधान २०७२ समावेसी सिद्धान्तविपरित भएको भन्दै संघले विरोध जनाएका हुन् ।

संघका अध्यक्ष परिवर्तन राईले एक विज्ञप्ति जारी गर्दै सर्वोच्च अदालत, उच्च अदालत र जिल्ला अदालतमा न्यायाधीश नियुक्ति गर्दा समावेसी सिद्धान्तका आधारमा गरिनुपर्नेमा आदिवासीहरुलाई समावेस नगरिएको भन्दै घोर भत्र्सना गरेका छन् ।

साथै, न्यायपरिषदले बनाएको न्यायाधीश नियुक्तिसम्वन्धी निर्देशिका समावेसी सिद्धान्त विपरित रहेको भन्दै संघले सो निर्देशिका खारेजीको माग गरेका छन् ।