काठमाडौं १४ भदौ । काठमाडौँको टुँडिखेलमा सोमबार (भदौ १० गते) गौरा पर्वको अवसरमा आयोजित कार्यक्रममा नाराबाजी गरेको आरोपमा पक्राउ परेका तीनजना रिहा भएका छन्।

प्रधानमन्त्री केपी शर्मा ओली र नेपाली कांग्रेसका सभापति शेरबहादुर देउवासमेत उपस्थित कार्यक्रममा नेताहरूको विरुद्धमा नाराबाजी गरेको आरोपमा प्रहरीले तीनजना युवाहरूलाई पक्राउ गरेको थियो।

उनीहरू सबैलाई शुक्रबार रिहा गरिएको काठमाडौँ प्रहरी प्रमुख एसएसपी वसन्त रजौरेले जानकारी दिए। उनीहरुलाई कुन कनुन अनुसार कारबाही गर्ने भन्ने प्रष्ट नभएका कारण छाडिएको बताइएको छ । उनीहरुको पक्राउले झनै नेतृत्व प्रति आक्रोश बढ्ने डरका कारण गृहमन्त्रीले रिहा गर्न आदेश दिएको बुझिएको छ ।

ओली देउवा विरुद्ध नारा लगाउनेहरुले बालेन हाइ हाइ भनेका थिए । आयोजक संस्थाले नाराबाजी गर्नेहरु धेरैजसो सुदूरपश्चिमका नरहेको दाबी गरेको बताएको थियो । उनीहरुले कार्यक्रम विथोल्न घुसपैठ गरेको आरोप आयोजकको थियो ।

सोमवार टुँडिखेलमा भएको हुलहुज्जत र त्यसमा संलग्न व्यक्तिहरु आम युवा नभएर वर्तमान व्यवस्थाकाविरुद्ध परिचालितहरु रहेको विश्लेषण सरकारले गरेको थियो ।