काठमाडौं १ भदौ । तत्कालीन केपी शर्मा ओली नेतृत्वको सरकारका उपप्रधान तथा परराष्ट्रमन्त्री कमल थापाले उनका समकक्षी भारतीय विदेशमन्त्री सुस्मा स्वराजलाई दिल्लीमा पुगेर आफूहरुले चीनसँग पारवाहन सन्धि गर्न लागेको अग्रिम जानकारी गराएको खुलासा गरेका छन् । एबीसी टेलिभिजनको कार्यक्रम आउटलुक–विशेषमा प्रधानसम्पादक शुभशंकर कँडेलसँग कुरा गर्दै थापाले विगतमा विभिन्न प्रधानमन्त्रीहरुसँग काम गर्दाखेरीको अनुभव बताएका छन् ।
थापाले भने – मैले मेरो नयाँ किताव नाकाबन्दी र भूराजनीतिमा परराष्ट्र मामिलासँग भएका विभिन्न रहस्यमय कुराहरु खोतल्ने प्रयास गरेको छु । उनले भने –०४७ सालमा लखेटिंदा वा ०६४ सालमा लखेविटंदा भन्दा पनि २०७८ सालमा भएको पार्टीको महाधिवेशन नै मेरा लागि निकै पीडादायी भयो । थापाले ०७८ सालमा भएको पार्टीको महाधिवेशनमा आफ्ना विरुद्ध दरबारले नै षडयन्त्र गरेको यस अघि पनि पटक पटक बताउँदै आएका छन् । राजनीतिमा तपाई औचित्यहीन हुनु भएन ? भन्ने प्रश्नमा उनले भने – तत्काललाई त्यस्तो देखिए पनि मेलै बोकेको परम्परावादी सम्वर्धनवादी राजनीतिको औचित्य जहिलेसुकै रहन्छ ।
कमल थापाले आफ्ना विगतका अनुभव र आगामी दिनमा के गर्ने भन्ने बारेमा सोचिरहेको बताउँदै कांग्रेस र एमालेले संविधान संशोधनको नाममा समानुपातिक र समावेशी प्रणालीलाई चलाउन खोजे भने देश लथालिंग हुनसक्ने चिन्त व्यक्त गरेका छन् । थापाको नयाँ पुस्तक नाकावन्दी र भूराजनीति भदौ १० गते सार्वजनिक हुनेछ ।
थापासँगको अन्तर्वार्ता शुक्रबार राती ९वजे प्रसारण भएको थियो । यो अन्तर्वार्ता एबीसी टिभी नेपाल युट्युवमा गएर हेर्न सकिनेछ ।