काठमाडौं २८ साउन । संविधानविद् डा. विपीन अधिकारीले विनोद चौधरीजस्ता अर्बपति व्यवसायी किन सांसद हुने भन्ने गम्भीर प्रश्न उठाएका छन् । कांग्रेस र एमालेले संविधान संशोधन गरेर समानुपातिक प्रणाली प्रतिनिधिसभाबाट हटाउने चर्चा गरिरहेका बेला संविधानविद् अधिकारीले चौधरीजस्ता धनाढ्यहरुलाई किन समानुपातिक कोटाबाट सांसद बनाउने भन्ने प्रश्न गर्दै सांसद हुने भनेको त समाज सेवाका लागि विशुद्ध स्वार्थरहित भएर गर्ने सेवा हो । चौविसै घण्टा शक्ति केन्द्रसँग बसउठ गर्नेहरुले समानुपातिक प्रतिधित्वको दुरुपयोग गरेर सांसद हुने प्रवृत्तिले समावेशी प्रणालीलाइ नै बद्नाम गरेको अधिकारीको निष्कर्ष ।

संविधान संशोधनका बारेमा डा. अधिकारले भने– समानुपातिक र समावेशी शहिरिया रैथानेवर्ग लाई मन परेको छ्रैन, दलहरु पनि त्यसकै लहलहैमा लाग्नु दुर्भाग्यपूर्ण हो ।
संविधानमा गरिएको नवोदित व्यवस्था र गरिव पछाडि पारिएका वर्ग समुदायलाई सशक्तिकरण नगरेसम्म संविधान संशोधन भन्ने कुराको खासै अर्थ नरहने अधिकारीको बुझाई छ । एबीसी टेलिभिजनको कार्यक्रम आउटलुकका लागि प्रधानसम्पादक शुभशंकर कँडेलसँग कुराकारी गर्दै अधिकारीले भने– संघीयता भनेको केन्द्रको अधिकारी प्रदेश र स्थानिय तहमा हस्तान्तरण गर्ने हो । नेपालजस्तो देशमा दुई दल वा कुनै दलको बहुमत ल्याउने भन्ने नाममा संविधानसंशोधन जस्तो विषयलाई गिजोल्न हुँदैन । डा. अधिकारीसँग गरिएको अन्तर्वार्ता गत शनिबर प्रसारण भएको थियो । सोही अन्तर्वार्ता यहाँ दिइएको छ ।