काठमाडौं १ साउन । नागरिक लगानी कोषले कर्मचारी बचत वृद्धि अवकाश कोषका सहभागीहरुलाई नियमित ब्याजका अतिरिक्त आर्थिक वर्ष २०७९र८० को नाफाबाट १ दशमलव २५ प्रतिशत थप प्रतिफल दिने भएको छ।

कोष सञ्चालक समितिले उक्त प्रतिफल दिने निर्णय गरेको हो। आव २०७९र८० को नाफाबाट तत्कालीन सहभागीहरुलाई २०७९ चैत मसान्तसम्मको मौज्दातमा उक्त प्रतिफल दिइनेछ।

यसरी प्रतिफल वितरण गर्दा वचत वृद्धि अवकाश कोषका साढे ३ लाख सहभागीहरुलाई करिब १ अर्ब ६६ करोड रुपैयाँ वितरण हुने कोषका सूचना अधिकारी उद्धव सिलवालले बताए।

ब्याजदर परिवर्तन, कुन योजनाको कति रु
कोष सञ्चालक समितिको निर्णय अनुसार चालू आवको साउन १ देखि ब्याजदर परिवर्तन भएको छ।

परिवर्तित ब्याजदरअनुसार कर्मचारी बचत वृद्धि अवकाश कोषका सहभागीलाई दिइने ब्याजदर ६।५० प्रतिशत कायम भएको छ।

यो योजनाको ८० प्रतिशत ऋण सापटीको ब्याजदर ८ प्रतिशत निर्धारण भएको छ । यस अघि यसको ब्याजदर ८। ५ प्रतिशत रहेको थियो ।
नागरिक एकांक योजनाको संस्थागततर्फ ब्याज ७ प्रतिशत र व्यक्तिगततर्फ ७।५० प्रतिशत निर्धारण गरिएको छ। यसैगरी उपदान तथा पेन्सन योजनामा ५।५०, लगानीकर्ता अवकाश कोष योजनामा ५।५०, नार्क बीमा कोषमा ६ र राष्ट्रसेवक जीवन बीमा कोषको ५।५० प्रतिशत ब्याजदर कायम गरिएको छ।

कर्जाको ब्याजदरतर्फ शैक्षिक कर्जाको हकमा ८।५०, आवाश कर्जामा ८।५०, सरल कर्जामा ९, र सवारी कर्जामा ९ प्रतिशत कायम भएको छ। यसपूर्व शैक्षिक कर्जामा ९।५०, आवास कर्जामा ९, सरल कर्जामा ९।५० र सवारी कर्जामा ९।५० प्रतिशत ब्याजदर रहेको थियो।

कोषले सहभागीहरुलाई प्रदान गर्ने ब्याज र कर्जामा लिने ब्याजदर प्रत्येक त्रैमासिकमा पुनरवलोकन गर्ने गरेको छ।