काठमाडौ २० चैत । नेपाल अन्तर्राष्ट्रिय पर्यटकीय गन्तव्य भएको भौगोलिक र सामाजिक विविधता भएको सुन्दर देश हो। बिश्वको सर्वोच्च शिखर सगरमाथा, तेस्रो उच्च हिमाल कंचनजङ्गा ,कुम्भकर्ण(फक्ताङलुङ)लगायतका दर्जनौं हिम शिखरहरु यहाँ छन । पस्चिमको रारा ताल, फेवाताल देखि पुर्व ताप्लेजुङको सिंजेमा हिमतालसम्म आउँदा हजारौं तालतलैयाहरु, झरनाहरु भएको देश हो यो। पशुपति, लुम्बिनी, जानकपुरधाम, बौद्ध स्तुपा, पाथीभरा(मुकुमलुङ) आदि ऎतिहासिक रुपमा धर्मिक संस्कृतिक महत्वको देश नेपाल हो । प्राय बिश्वका सबै जसो देशहरुमा पाईने हावापानी नेपालमा भेटिन्छ । यही सुन्दर देशको कोशी र १ नम्बर प्रदेशको अन्तर्राष्ट्रिय, राष्ट्रिय पर्यटकीय गन्तव्य हो ताप्लेजुङ । ताप्लेजुङ भौगोलिक, प्राकृतिक, सामाजिक, सांस्कृतिक र जैविक विविधताको खानी नै हो।त्यसैले ताप्लेजुङलाई आम मानिसहरुको आँखामा टल्काउनु र पर्यटकहरुको आकर्षणको केन्द्र बनाउनु हामी सबैको दायित्व र कर्तव्य हो।
ताप्लेजुङ ताप्लेजुङवासीको मात्र हैन, सबै नेपालीको हो। राष्ट्रिय,अन्तर्राष्ट्रिय पर्यटकीय गन्तब्य हो। के के छन् त ताप्लेजुङमा त्यस्ता हेर्न,घुम्न र दर्शन गर्न लायकका गन्तव्य केन्द्र तथा बस्तुहरु ? छोटो चर्चा गरौंः
१. कंचनजङ्गा हिमाल(बिश्वको तेस्रो उच्च शिखर (८५८६ मिटर) २. कुम्भकर्ण(फक्ताङ्लुङ)लगायतका दर्जनौं हिम शिखरहरु
३.पाथीभरा(मुकुमलुङ), प्रशिद्ध शक्तिपिठ । भारत र बङलादेशमा ब्यापक प्रचार गरेर लाखौं पर्यटकहरु भित्रयाउन सकिने, दिकिछ्योलिङ गुम्बा, फक्तालुङ माङ आदि
४.सिंजेमा हिमताल, तिम्बुङ पोखरी, सुदोपोखरीलगायत सयौं ताल तलैयाहरु
५.फुङ्फुङे झरना, ढङ्ढङे झरना लगायत दर्जनौं झरनाहरु
६.पहिचान बोकेका मौलिक संस्कृतिहरु
७.खेलकुद, स्वस्थ आदि पर्यटन
८.मिल्के,जलजले गुराँस क्षेत्र
९.हिमचितुवा,रेडपण्डा,कस्तुरी,भालु
१०.याक चौंरी
११.वन लगायत विभिन्न हिमाली जडिबुटीहरु
१२.जलविद्युत आयोजनाहरु आदि

उल्लेख्य रुपमा रहेका प्राकृतिक र कृतिम पर्यटकीय गन्तव्यको सहि ब्यबस्थापन, प्रचार प्रसार र प्रबर्द्धन गरेर ठुलो स्केलमा ताप्लेजुङमा पर्यटकहरु भित्रयाएर आय आर्जन गर्न सकिन्छ । चेतना र सभ्यताको बिकास गर्न सकिन्छ । ९ वटै स्थानीय तहहरुमा ठुला साना पर्यटकीय गन्तब्य र आवतजावत गर्ने रुटहरु छन्। समग्र जिल्लाको पर्यटन महामहोत्सवको आयोजना गरेर जिल्लाको संबृद्धिमा योगदान पुर्याउनु पर्छ । खुद्रा कार्यक्रमहरु गरेर सदरमुकाममा हप्ता दिनको महोत्सवको आयोजना गरेर खास अर्थ राख्दैन । यो एउटा अंसगत कुरा मात्र हुन्छ।
त्यसैले ताप्लेजुङ पर्यटकीय महामहोत्सवको गुरुयोजना १ वर्षको बनाएर संचालन गर्दा उपयुक्त हुने देखिन्छ । बार्षिक पर्यटन भित्रयाउने लक्ष्य ८ लाखको बनाएर असोजतिर बिशाल कार्यक्रममा उद्घाटन गरेर १ वर्षपछि अभियानको समापन गर्दा परिणाम हाँसिल गर्न सकिन्छ । प्रत्येक गन्तव्यको लक्ष्य निर्धारण गरेर सहि जिम्मेवारी बाँडफाँड गरी उद्देश्य पुरा गर्नु पर्छ । सबै राजनीतिक दलहरू, स्थानीय सरकारहरु, सरकारी तथा गैरसरकारी संघसंस्थाहरु, ब्याबसायीहरु आदि मिलेर एउटा पर्यटकीय महामहोत्सव आयोजना गरेर ताप्लेजुङलाई देश बिदेशमा थप प्रभावकारी रूपमा चिनाऔं ।

खेलप्रसाद बुढाक्षेत्री(पराग)
केन्द्रीय सदस्य एवम् ताप्लेजुङ इन्चार्ज
नेकपा (माओवादी केन्द्र)