काठमाडौँ ७ चैतः नेपाल र अमेरिकाबीच बौद्धिक सम्पदा सहकार्यसम्बन्धी समझदारीपत्रमा हस्ताक्षर भएको छ ।
उद्योग, वाणिज्य तथा आपूर्तिमन्त्री दामोदर भण्डारी र नेपाल भ्रमणमा रहेकी अमेरिकी वाणिज्य मन्त्रालयअन्तर्गत बौद्धिक सम्पत्ति हेर्ने उपमन्त्री तथा पेटेन्ट तथा टेड्रमार्क कार्यालयकी निर्देशक क्याथी भिडालबीच समझदारीपत्रमा हस्ताक्षर भएको मन्त्रालय र अमेरिकी दूतावासले जनाएका छन् ।
उपमन्त्री भिडालले वैदेशिक लगानी आकर्षित गर्ने र आन्तरिक आर्थिक वृद्धिमा सुधार ल्याउन बौद्धिक सम्पत्ति संरक्षणको महत्वलाई जोड दिइन् । उनले नेपालको बौद्धिक सम्पदा क्षेत्र र कानुनलाई सुदृढ गर्नका लागि अनुरोध गरिएको कुनै पनि सहयोग उपलब्ध गराउन अमेरिकी वाणिज्य विभाग तत्पर रहेको बताइन् ।
प्रतिक्रिया दिनुहोस्