काठमाडौं १३ फागुन । ‘हवाईका पृथकतावादी नेताहरूलाई भेट्न चीनबाट बारम्बार प्रतिनिधि जाने, त्यसको स्वतन्त्रताको वकालत गर्ने र तिनीहरूलाई हतियार बेच्ने हो भने अमेरिकाले कस्तो महसुस गर्छ रु’ ताइवानको स्वतन्त्रताको वकालत गर्दै बारम्बार अमेरिकी प्रतिनिधिमण्डलको बाक्लो आउजाउ हुन थालेसँगै चिनियाँ पक्षले यस्तो प्रश्न अमेरिकातर्फ तेर्स्याउँदै आएको छ ।

चीनले ताइवानमा आफ्नो दाबी गर्दै आएको छ । त्यसलाई कुनै दिन नियन्त्रणमा लिने बेइजिङको मनसाय छ । तर, वासिंटनले आन्तरिक मामिलामा हस्तक्षेप गर्दै ताइवानलाई उचालेको भन्दै बेइजिङ यसरी आक्रोशित बनेको हो ।

अमेरिकी सांसदहरू बारम्बार ताइवान पुगिरहेका छन् । हालसालै माइक ग्लागर त्यहाँ पुगे । उनी अमेरिका चीन मामिला संसदीय कमिटीका प्रमुख हुन् । उनीसहित अमेरिकी सांसदका समूह त्यहाँ पुग्नेक्रम रोकिएको छैन ।

अमेरिकी सांसदहरूको तारन्तार ताइवान भ्रमणले विभिन्न प्रश्न उब्जिएका छन् । के उनीहरूको भ्रमणले वास्तवमै ताइवानमा चीनको प्रभाव कम गर्न सहयोग गर्छ त रु वा उनीहरू चीनलाई चिढ्याउन त्यहाँ गइरहेका छन् ?