काठमाडौं, २६ माघ । भ्रष्टाचारको अभियोग लागेका आन्तरिक राजश्व विभागका तत्कालिन महानिर्देशक चुडामणि शर्माको घरमा मंगलबार नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका कार्यकर्ताले तोडफोड गरे ।

बुढानिलकण्ठ नगरपालिका वडा नम्बर २२ महादेव खोला टोलमा पुगेर विप्लवका कार्यकर्ता र सर्वसाधारणले शर्माको घरमा ढुंगा हाने । शर्माको घर घेराउ गर्न दुई ओटा बसमा उनीहरु पुगेका थिए । घर घेराउ गर्न पुगेका मध्ये ४२ जानलाई महानगरीय प्रहरी प्रभाग बुढानिलकण्ठले तत्काल पक्राउ गरेको थियो । प्रहरीले दुईवटा बस र चालकलाई समेत पक्राउ गरी अनुसन्धान जारी राखेको प्रहरीले जनाएको छ । पक्राउ परेका ४२ जना मध्ये १५ वर्ष उमेरका १५ जना भएकाले तत्काल कुनै कानूनी सजाय दिन नमिल्ने भन्दै प्रहरीले अनुसन्धानमा छाडेको छ ।

पक्राउ परेका मध्ये ३ जना बालिका समेत रहेको प्रहरीले बताएको छ । तर पनि प्रहरीले पक्राउ परेकाहरुको सम्पूर्ण विवरण दिन तयार छैन । एउटै भाषामा प्रहरीले ‘मात्र उनीहरु बारेमा अनुसन्धान भैरहेको छ’ भन्ने जवाफ दिन्छ । पक्राउ पर्नेहरुको राजनीतिक तह कस्तो र हो र कसको कमाण्डमा तोड्फोड भएको बारेमा समेत प्रहरी अनुसन्धानमै भएको बताउन नमिल्ने भन्दै सुचना दिन आनाकानी गर्छ । बुढानिलकण्ठ प्रहरीले तोड्फोडको क्रममा आफुरुले पक्राउ मात्र गरेको भन्दै यसको सम्पूर्ण अनुसन्धान र छानविन महानगरीय वृत महाराजगन्ज र महानगरीय परिसरको कार्यालय टेकुले हेर्ने बताउ“छ ।

यता महानगरीय परिषरका प्रहरी प्रमुखहरु घटनाको बारेमा अनुसन्धान जारी रहेकाले अहिलेनै सबै तथ्य नखुलेको भन्दै महानगरीय प्रहरी आयुक्तको कार्यालय रानीपोखरी र केन्द्रीय कार्यालयको सहकार्यमा अनुसन्धान जारी भएको एसएसपी पूर्णचन्द्र जोशी बताउ“छन् । यता प्रहरी प्रवक्ता डिआइजी मनोज न्यौपाने यो घटनाको बारेमा परिसरको नेतृत्वमा अघि बढिरहेको बताउ“छन । डिआइजी न्यौपाने केही दिनमा वास्तविकता बाहिर आउने भन्दै अहिले विभिन्न कोणबाट अनुसन्धानै भैरहेको जनाएका छन् ।

चुडामणिको घरमा विप्लवका कार्यकर्ताले ढुंगामुडा गर्दा घरको सिसाहरुमा क्षति पुगेको छ ।कर फछ्र्यौट आयोगबाट २० अर्ब रुपैया“ उन्मुक्तिदेखि एनसेल बिक्री करमा छुट लगायत विवादित मुद्दामा पक्राउ परेका शर्मा हाल धरौटीमा रिहा रहेका छन् । सरकारले कारवाही गर्न नसकेको भन्दै नेकपा आफै कारवाहीमा लागेका हो । पछिल्लो समय नेकपा भ्रष्टचारीको नामावली संकलन गरी कारवाहीमा उत्रने घोषणा नै गरेको छ ।