काठमाडौं, २५ माघ । हिजो बुधवार राष्ट्रिय सभाको निर्वाचन सगै नयाँ सरकार गठन र पार्टी एकताबारे एमाले अध्यक्ष केपी ओली र माओवादी अध्यक्ष प्रचण्डबीच छलफलको स्थान गोप्य राख्दै बुधबार अपरान्ह ‘वान टु वान’ छलफल भएको छ ।

पार्टी एकता नहुने हो कि भन्ने आशंका उत्पन्न भइरहेका बेला ओली प्रचण्ड विच वार्ता सुरु भएको हो ।

राष्ट्रियसभाको चुनाव पनि सकिइसकेकाले सरकार गठनका लागि छिटो प्रक्रिया अघि बढाउन एमाले अध्यक्ष केपी ओली दवावमा रहको बालकोट स्रोतले जानकारी दियो । माओवादीले चाहिँ सरकार गठनसँगै पार्टी एकताको सुनिश्चितता हुनुपर्ने र सँगै त्यसको प्रmेमवर्क बनाइनुपर्ने अडानमा रहेको स्रोतको दावी छ ।

साथै एमाले अध्यक्ष केपी ओलीले पार्टी अध्यक्ष र प्रधानमन्त्री पद आफैंले राख्ने चाहना गरेपछि माओवादीसँग सहमति हुन सकिरहेको   छैन ।

यस्तो अवस्थामा पार्टी एकताका लागि तत्काल कुरो मिलेन भने माओवादीले सरकार बाहिरै रहेर ओलीलाई समर्थन गर्ने प्रचण्ड निकट स्रोतले जानकारी दिएको छ । तर, आज विहीवार पनि दुई नेताबीचको छलफलले सरकार गठन र पार्टी एकता दुबैमा निकास निकाल्ने अनुमान वाम नेताहरुले गरेका छन् ।