काठमाडौँ ७ असार । सर्वोच्च अदालतले त्रिविका उपप्राध्यापक प्रेम चलाउनेलाई मरणासन्न हुने गरी कुटपिट गर्नेहरु विरुद्धको मुद्दा फिर्ता लिने निर्णय कार्यान्वयन नगर्न अन्तरिम आदेश दिएको छ । कुटपिट गर्ने नेविसंघका नेताहरुको मुद्दा फिर्ता लिने सरकारले निर्णय गरेपछि चलाउनेले सर्वोच्चमा रिट निवेदन दिएका थिए ।
न्यायाधीश मनोजकुमार शर्माको इजलासले तत्कालका लागि उक्त निर्णय कार्यान्वयन नगर्ने आदेश दिएको हो । सरकारको निर्णयपछि उपप्राध्यापक चलाउने आमरण अनसनमा बसेका छन् । चलाउनेलाई न्याय माग्दै प्रदर्शनहरु समेत भएका छन् । सर्वोच्चले मुद्दा फिर्ताको कारण पेश गर्न विपक्षीको नाममा आदेश गरेको छ ।
प्रतिक्रिया दिनुहोस्