काठमाडौँ १६ जेठ । नेकपा एमाले अध्यक्ष केपी शर्मा ओलीले भारतको नयाँ संसद् भवनमा कुँदिएर बनाएको ुअखण्ड भारतुको नक्सा हटाउने विषयमा प्रधानमन्त्री पुष्पकमल दाहालले भारत भ्रमणको क्रममा छलफल गर्नुपर्ने बताएका छन् । अखिल नेपाल महिला संघले मंगलबार आयोजना गरेको कार्यक्रममा बोल्दै एमाले अध्यक्ष ओलीले नक्साको विषयमा कुरा नगर्ने हो भने भारत भ्रमणमा जानुको औचित्य नहुने बताए ।

‘भारतको नयाँ संसद् भवनमा काठमा कुँदेर कपिलवस्तु राख्यो भनेपछि मैले देखेको छैन, सुनेको हुँ । भारतले होइन भने खण्डन गर्‍यो भने वा हटायो भन्यो भने वा गल्ती महसुस गर्‍यो भने त्यो आफ्नो ठाउँमा छ,’ ओलीले भने, ‘प्रधानमन्त्रीजी भोलि भारत भ्रमणमा जाँदै हुनुहुन्छ उहाँले त्यो हटाउनु होस् त्यो गल्ती सच्याउनु होस् भनेर भारतसँग कुरा गर्नुपर्छ । त्यो त्यति कुरा गर्न सक्नुहुन्न भने भारत भ्रमणमा किन जाने रुु प्रधानमन्त्री दाहाल बुधबार ४ दिने भारत भ्रमणमा जाँदैछन् ।

कार्यक्रममा ओलीले भारत जस्तो एउटा पुरानो सुदृढ नमुना लोकतन्त्र भएको देशले नेपालको भूमि समेटेर आफ्नो संसद्‌मा राख्नुलाई उचित भन्न नसकिने बताए । भारतीय प्रधानमन्त्री नरेन्द्र मोदीले उद्घाटन गरेको अखण्ड भारतको मुरालमा नेपाल लुम्बिनी र कपिलवस्तुलाई समावेश गरिएको छ ।