काठमाडौँ, ८ जेठ । बूढानीलकण्ठको कारण दुर्घटना प्रकरण मुद्दामा चालक पृथ्वी मल्ललाई उच्च अदालत पाटनले ४ वर्ष कैद र ४० हजार रूपैयाँ जरिबाना गरेको छ ।
मल्लले लापरबाही गरेर गाडी चलाउँदा पैदलयात्रीको ज्यान गएको भन्दै उच्च अदालत पाटनले मल्ललाई दोषी ठहर गर्दै सजाय गरेको हो । उच्च अदालतका न्यायाधीशद्वय राजेन्द्र खरेल र जगदीश घिमिरेको संयुक्त इजलासले जिल्ला अदालतको फैसला उल्टाउँदै यो फैसला गरेको हो ।
यसअघि जिल्ला अदालत काठमाडौँले सामान्य दुर्घटना भन्दै मल्लविरूद्ध ६ महिना कैद र १० हजार रूपैयाँ जरिबानाको फैसला गरेको थियो । जिल्लाको यो फैसलाविरूद्ध सरकारी वकिलले उच्च अदालतमा पुनरावेदन दिएको थियो ।
तीन वर्षअघि बूढानीलकण्ठमा मल्लले जाँड–रक्सी पिएर गाडी चलाइरहेको कारले ठक्कर दिँदा पैदलयात्री लीला देवकोटाको ज्यान गएको थियो ।
प्रतिक्रिया दिनुहोस्