काठमाडौं ३० वैशाख, । नेकपा एमालेले युवाहरुमा पार्टी कामको विस्तार गर्न मिसन योङ अभियान सञ्चालन गर्ने भएको छ ।

दुई महिनासम्म देशभर सञ्चालित मिसन ग्रासरुटको अभियानमा युवा आकर्षण र युवा सहभागिता विस्तार गर्न जरुरी देखिएको भन्दै एमालेले मिसन योङ अभियान सञ्चालन गर्ने निर्णय गरेको हो ।

२८ देखि ३० वैशाखसम्म भएकोबैठकले १४ बुँदे निर्णय गरेको एमालेले विज्ञप्तिमार्फत जानकारी दिएको छ । जसमा देशैभरि छोराछोरी नारा दिएर पार्टी कार्यकर्ताको घरघरबाटै युवा कार्यक्रम सञ्चालन गरिने पनि उल्लेख छ ।

बैठकले जनप्रतिनिधि र स्थानीय तहको कामलाई प्रभावकारी बनाउन मिसन डेलिभरी कार्यक्रम सञ्चालन गर्ने निर्णय पनि गरेको छ । ‘जनप्रतिनिधिहरु र स्थानीय तहको कामलाई प्रभावकारी बनाउन मिसन डेलिभरीको रुपमा स्थानीय तहका जननिर्वाचित प्रतिनिधिहरुलाई प्रभावकारी रुपमा क्रियाशील बनाइनेछ’ एमालेको निर्णयमा भनिएको छ ।

एमालेले केन्द्रीय सदस्यहरुको नयाँ कार्यविभाजन गर्ने निर्णय पनि गरेको छ । नयां कार्यविभाजन अनुसार एक वर्ष आफ्नो भूगोलबाहिरको कार्यक्षेत्रमा खट्ने गरी नताहरुलाई खटाउने भएको छ । ०४६ सालको जनआन्दोलन पहिले तत्काली माले जुनसकुै नेतालाई जहां पनि खटाउने गरेको थियो ।ससंसदीय चुनावी राजनीति शुरु भएपछि सम्वन्धित नेतालाई सोही भूगोलमा खटाउन थालेको थियो ।

एमालेले आगामी मंसिर महिनामा मध्यपहाडी लोकमार्ग केन्द्रित जनतासँग पार्टी अभियान सञ्चालन गर्ने निर्णय पनि गरेको छ ।