काठमाडौँ, २२ वैशाख । भक्तपुरमा एक युवतीले आफ्नो विवाह तय भएको ठिक एक साताअघि आत्महत्या गरेकी छन् । सूर्यविनायक नगरपालिका–७ गुण्डुकी २४ वर्षीया सुस्मिता खड्काले झुन्डिएर आत्महत्या गरेकी हुन् ।
उनी बिहीबार बिहान गुण्डुस्थित आफ्नै घरको फलामको भर्याङमा नाइलनको डोरीको पासो लगाइ झुन्डिएर आत्महत्या गरेको अवस्थामा फेला परेको जिल्ला प्रहरी परिसर भक्तपुरका प्रमुख प्रहरी उपरीक्षक (एसपी) प्रजित केसीले जानकारी दिए ।
सुस्मिताको यही वैशाख २८ गते विवाह हुने पक्का भएको थियो तर टीकाटालो हुन भने बाँकी थियो ।
घटनास्थलमा सुस्मिताले लेखेको ‘सुखाइड नोट’ समेत फेला पारेको छ । उक्त सुसाइड नोटमा ‘आफैँ झुन्डिएकाले परि नगर्नु’ भनिएको छ ।
एसपी केसीका अनुसार घटनाको प्रकृति र प्रारम्भिक अनुसन्धानबाट उनले आत्महत्या गरेको नै पुष्टि भएको छ । उनले के कारणले आत्महत्या गरेकी हुन् भन्ने विषय भने नखुलेको र थप अनुसन्धान भइरहेको बताए ।
प्रतिक्रिया दिनुहोस्