काठमाडौँ, १७ वैशाख । राष्ट्रपति रामचन्द्र पौडेलको स्वास्थ्यमा सुधार भएपछि आज स्वदेश फर्किँदै छन् ।
आइतबार राति ८ बजेको जहाजमार्फत् राष्ट्रपति पौडेल स्वदेश फर्किन लागेको उनको सचिवालयले जनाएको छ । उनलाई आज दिउँसो १२ बजे अस्पतालले डिस्चार्ज गर्दैछ ।
छातीको इन्फेक्सनका कारण शिक्षण अस्पतालमा भर्ना भई लगातार एन्टिबायोटिक चलाउँदा पनि प्रभावकारी नभएपछि चिकित्सकहरूको सुझावअनुसार उनलाई गत वैशाख ६ गते थप उपचारका लागि भारत लगिएको थियो ।
भारतको नयाँदिल्लीस्थित अल इन्डिया इन्स्टिच्युट अफ मेडिकल साइन्सेन्स (एम्स) मा १२ दिनको उपचारपछि उनलाई स्वदेश ल्याउन लागिएको हो । पौडेलको स्वास्थ्यमा राम्रो सुधार भएको बताइएको छ ।
प्रतिक्रिया दिनुहोस्