सप्तरी २४ चैत । सप्तरीमा मस्जिदको विषयलाई लिएर कुटाकुट हुँदा दुई जना गम्भीर घाइते भएका छन् ।
सप्तरीको शम्भुनाथ नगरपालिका वडा नम्बर १२ सोनमा बस्ने ५३ वर्षीय शोभराति मिया र ७० वर्षीय ईस्लाम मियाबीच मस्जिदको विषयलाई लिएर कुटाकुट हुँदा दुई जना घाइते भएको जिल्ला प्रहरी कार्यालय सप्तरीले जनाएको छ ।
ईस्लाम मियाको शरीरको विभिन्न भागमा चोट लागेको र स्थानीय मोहम्मद फरसुदको छोरा ११ वर्षीय मोहम्मद अजादको निधारमा चोट लागेको जिल्ला प्रहरी कार्यालय सप्तरीका डिएसपी एवम् प्रवक्ता नरेशकुमार सिंहले जानकारी दिएका छन् ।
घटनाको विषयमा थप अनुसन्धान भइरहेको जिल्ला प्रहरी कार्यालय सप्तरीले जनाएको छ ।
प्रतिक्रिया दिनुहोस्