काठमाडौं २७ फागुन । ३ चैतमा हुने उपराष्ट्रपति निर्वाचनको लागि एमालेले अष्टलक्ष्मी शाक्यको उम्मेदवारी दर्ता गराएको छ ।
संसद भवनको ल्होत्से हलमा पुगेर एमालेका शीर्ष नेताहरूले उपराष्ट्रपतिको उम्मेदवारमा शाक्यको नाम दर्ता गराएका हुन् ।
उम्मेदवारी दर्ताका एमालेका शीर्ष नेताहरू बानेश्वर पुगेका थिए ।
राष्ट्रपतिमा यस अघि कांग्रेस उम्मेदवार रामचन्द्र पौडेलसँग एमालेका सुवासचन्द्र नेम्वाङ पराजित भएका थिए । खस आर्यतर्फ पुरुष राष्ट्रपति बनेपछि निर्वाचन आयोगले महिला उपराष्ट्रपतिको उम्मेदवार हुनुपर्ने आशय व्यक्त गरेको छ । यसैले सत्ता गठबन्धनमा भने अन्योल देखिएको छ ।
सत्ता गठबन्धनतर्फ जनमतकी ममता झाले उम्मेदवारी दर्ता गराइसकेकी छन् । जसपाबाट रामसहाय यादव र प्रमिला यादवले पनि उम्मेदवारी दर्ता गराउँदैछन् ।
प्रतिक्रिया दिनुहोस्