काठमाडौँ, १३ फागुन । नेकपा (एमाले)का नेता तथा सांसद गोकुल बास्कोटाले सरकारमा कथित वामपन्थी सहकार्य समाप्त भएको बताएका छन् । तोडिएसँगै एमाले आफ्नै लयमा अघि बढ्नुपर्ने बताएका छन् ।

उनले वामपन्थी सहकार्यमा कुनै उत्साह र आशा नभएको बताउँदै एमाले निराश हुनुपर्ने कारण नभएको बताए । उनले प्रधानमन्त्री पुष्पकमल दाहाल ‘प्रच्ण्ड’को चरित्रप्रति पहिल्यै सचेत गराएको उल्लेख गरेका छन् । बास्कोटाले प्रधानमन्त्री प्रचण्डलाई रङ फेर्ने छेपारोसँग दाजेका छन् ।

उनले सामाजिक सञ्जालमा लेखेका छन्, “उहिल्यै भन्देको हो–छेपारो र प्रचण्डबीच रंग फेर प्रतियोगिता भए पनि छेपारो नै हार्छ। उग्रपन्थीको अन्तिम बिसौनी दक्षिणपन्थी अवसरवाद नै हुन्छ । अब सरकारमा कथित वामपन्थी सहकार्य समाप्त भयो । एमाले आफ्नै लयमा अघि बढ्नुपर्छ । उत्साह र आशा दुवै थिएन न त एमाले निराश हुनु पर्ने कारण छ ।”