काठमाडौं १ माघ । प्रधानमन्त्री पुष्पकमल दाहाल प्रचण्डले आफ्नो प्रमुख स्वकिय सचिवमा जनयुद्धकालका कमाण्डर तथा पोलिटव्युरो सदस्य सन्तु दराई ‘परबाना’लाई नियुक्त गरेका छन् । दराई जनमुक्ति सेनाका सबैभन्दा अनुशासित कमाण्डर मानिन्थे । उनी यस अघि २०७० सालमा समानुपातिक कोटाबाट संविधान सभासदस्य समेत बनेका थिए । प्रधानमन्त्री निकट स्रोतका अनुसार दराई २०४० सालदेखि प्रचण्डको सहयोगीको रुपमा काम गर्दै आएका नेता हुन् । प्रधानमन्त्री प्रचण्डले निजी सचिवका रुपमा पोलिटव्युरो सदस्य तथा अखिल क्रान्त्तिकारीका पूर्व अध्यक्ष रमेश मल्ल र केन्द्रीय सदस्य गंगा दाहाललाई नियुक्त गरेका छन् ।
स्वकीय सचिवालयमा रहेका तीनै जना प्रधानमन्त्री हुनु पहिलेदेखि नै प्रचण्डको सचिवालयमा थिए । गंगा दाहाल प्रचण्डकी कान्छी छोरी हुन् । दाहाल विगत ४ वर्षदेखि प्रचण्डको निजी सचिवको रुपमा कार्यरत थिइन् ।
प्रधानमन्त्री प्रचण्डको मुख्य स्वकिय सचिव हुने सिनयिर नेताहरुले चाहे पनि उनले सन्तु दराईलाई नियुक्ति दिएकोमा पार्टी पंक्तिले प्रशंशा गरेको छ ।

सरकारी कर्माचारी तर्फबाट प्रधानन्त्रीको निजी सचिवमा सहसचिव नवराज ढुंगानालाई नियुक्त गरेका छन् ।

प्रमुख स्वकिय सचिवले राज्यमन्त्री सरह र सचिवले सहायकमन्त्री सरहको सुविधा पाउँछन् ।