काठमाडौं । शंकरराज पाठक अमेरिकामा भिजिटर प्रोफेसर भएर लिएर फर्किएका थिए । राजा वीरेन्द्रले भेटेर सोधे, अमेरिकामा के पढायौ ? उनले इकोनोमी डेभलपमेन्ट पढाएको सुनाए । केही दिनमा वीरेन्द्रले साहित्यकार तथा चित्रकार लैनसिंह बाङ्देलसँग उनलाई पनि प्रज्ञा प्रतिष्ठानका लागि आवश्यक नीति निर्माण गर्न लगाए । यो कामपछि वीरेन्द्रले फेरि बोलाएर भने ‘अब प्रशासन जानु पर्छ है ।’ २०१६ सालमा सरस्वती क्याम्पस स्थापना गरेर प्राज्ञिक क्षेत्रमा लागिरहेका शंकरराज पाठकले राजा वीरेन्द्रले प्रशासनमा जानुपर्छ भन्नुको आशय बुझेनन् । पर्सिपल्ट राजा वीरेन्द्रले शंकरराजलाई बोलाएर भने, ‘पोखरा जानू र प्रशासन चलाउनू ।’ अनि तत्कालीन गण्डकी अञ्चलको अञ्चलाधीश बनेर शंकरराज पोखरा आए । यो २०२९ सालको कुरा हो । २०२७ सालतिर त्रिभुवन विश्वविद्यालयको तर्फबाट क्याम्पसको अवस्था अध्ययन गर्न पहिलो पटक पोखरा आएका पाठक दोस्रो पटकमा अञ्चलाधीश भएर आए ।
त्यही कालखण्डमा उनले पोखरामा अन्तरासिष्ट्रय विमानस्थल बनाउने भन्दै जग्गा अधिग्रहण गरे । पहिलो गलैंचा उद्योग खोले, पहिलो पाउरोटी र चाउचाउ उद्योग समेत उनैले खोलाए।
९० वर्षीय डा पठक र पोखरामा विमानस्थलमा अगुवाई गरेका व्यवासयी नेता आनन्दाराज मुल्मीसँगको कुराकानी ।