काठमाडौं १४ पु । सात दलीय सत्ता गठबन्धनको संयेजकमा एमाले अध्यक्ष केपी शर्मा ओली चयन भएका छन् । आज विहान प्रधानमन्त्री निवास बालुवटारमा बसेको बैठकले आगामी ५ दिनभित्र न्यनूतम साझा कार्यक्रम तय गर्ने ससमेत निर्णय गरेको छ ।

प्रधानमन्त्रीको सरकारी निवास बालुवाटारमा बसेको सत्ता गठबन्धनको बैठकले समन्त्रिपरिषद् विस्तार लगायतका विषयमा समेत छलफल भएको गृहमन्त्री रवि लामिछानेले बताएका छन्।

‘आजको बैठकमा प्रमुख सत्ता साझेदार दलहरुबीच छलफल भएको छ। बैठकले पाँच दिनमा न्यूनतम साझा कार्यक्रम तय गर्ने भएको छु, उनले भने, ‘साथै यो बैठकले सत्ता गठबन्धनको संयोजकका रुपमा नेकपा एमालेका अध्यक्ष केपी शर्मा ओलीलाई अघि बढाउने निर्णय गरेको छ।’

बैठकमा मूलभूत रुपमा न्यूनतम साझा कार्यक्रम कसरी अघि बढाउने भनेर कुरा भएको पनि उनले बताए। ‘न्यूनतम साझा कार्यक्रम तय गर्न सातै दलबाट एक एकजना प्रतिनिधि हुनुहुनेछ’, उनले भने, ‘हामी के उद्देश्यका सरकारमा आएका हौँ भन्ने पुष्टि गर्न यो कार्यक्रम ल्याउन लागिएको हो।’

लामिछानेले राष्ट्रिय प्रजातन्त्र पार्टी पनि सरकारमा आउने बताए। ुउहाँहरु ९राप्रपा० का एजेन्डाहरु पनि साझा कार्यक्रममा समावेश गरिनेछ। ती एजेन्डा नागरिकका एजेन्डा हुनेछन् भन्ने छु, उनले भने, ‘राप्रपा अध्यक्षले पनि सरकारमा सहभागी हुने बताउनु भएको छ। साझा कार्यक्रममा लागि एक एकजना नेता तोक्ने भएको छ। त्यहाँ राप्रपा पनि सहभागी हुनेछ।’