काठमाडौँ ६ पुस । नेपाली कांग्रेसको संसदीय दलको नेता चयनका लागि मतदान सुरु भएको छ । सिंहदरबारस्थित संसदीय दलको कार्यालयमा बिहान ८ बजेदेखि सुरु हुने भने पनि बुथमा मोबाइल लैजान दिनेरनदिने भन्ने विषयमा विवाद भएको थियो । विवादका कारण ८ बजेबाट हुने भनिएको मतदान केही समय ढिलो सुरु भएको हो । मोबाइल लैजान नदिने सहमति भएसँगै मतदान सुरु भएको छ ।

मतदान गर्दै कांग्रेस सभापति शेरबहादुर देउवा र महामन्त्री गगनकुमार थापा । तस्बिर स्अंगद ढकालरइकान्तिपुर
मतदान प्रक्रियाका लागि संसदीय दलको कार्यालय परिसरको सुरक्षा व्यवस्था कडा पारिएको छ । लिस्टमा नाम हेरेरमात्र मतदातालाई कार्यालयभित्र छिराइएको छ भने पत्रकारलाई भित्र जान निषेध गरिएको छ ।

कांग्रेस संसदीय दलको नेतामा पार्टी सभापति शेरबहादुर देउवा र महामन्त्री गगन थापा सिधा स्पर्धामा उत्रिएका छन् । सिंहदरबारस्थित संसदीय दलको कार्यालयमा ७८ वर्षीय देउवा र ४६ वर्षीय थापाले मंगलबार सँगै उम्मेदवारी दर्ता गराएका थिए ।

वरिष्ठ नेता रामचन्द्र पौडेल को प्रस्तावमा पूर्णबहादुर खड्का समर्थक छन् । उता गगन थापाको प्रस्तावकमा शेखर कोइराला छन् भने युवा नेताहरू धनराज गुरुङ, विश्वप्रकाश शर्मा र प्रदीप पौडेलले समर्थन गरेका छन् ।

संसदीय दलको नेता चयनमा कांग्रेसबाट निर्वाचित भएका सांसदहरू मतदाता हुन्छन् । यसपटक ८९ जना सांसद छन् । संसदीय दलको विधानबमोजिम निर्वाचित हुन ५० प्रतिशत मत प्राप्त गर्नु पर्ने हुन्छ । संसदीय दलको नेता बन्न कुला सांसद मध्ये ४५ सांसदको समर्थन जुटाउनुपर्ने हुन्छ । देउवाको पक्षमा ५० देखि ५६ र थापाको पक्षमा २७ देखि ३६ मत रहेको बताइएको छ ।