काठमाडौं, १ मंसिर ।  झापा निर्वाचन क्षेत्र नम्बर ५ बाट प्रतिनिधि सभा सदस्यमा उम्मेदवारी दर्ता गराउनुभएका नेकपा एमालेका अध्यक्ष तथा पूर्व प्रधानमन्त्री केपी शर्मा ओलीसंगको विशेष अन्र्तरवार्ता आज राती ९ बजे एबीसी टेलिभिजनबाट प्रसारण गरिने छ ।

निर्वाचन विशेष कार्यक्रम अन्र्तगत एबीसी टेलिभिजनको कार्यक्रम “आउटलुक” को अन्तरवार्ता कार्यक्रममा अध्यक्ष ओलीले टालटुल गरी दल बटुलेर बनाइएको गटबन्धन मुलुकका लागि घातक भएको दावी गरेका छन् ।

एबीसी टेलिभिजनका लागि अध्यक्ष तथा प्रधानसम्पादक शुभशंकर कंडेलसंग निर्वाचन विशेष कुराकानी गर्दै ओलीले तत्कालीन गठबन्धनले देशलाई विकास र समृद्ध बनाउन नसक्ने दाबी गरे। उनले तत्कालीन गठबन्धन देश बनाउनका लागि नभइ सरकार कब्जा गर्न गठबन्धन भएको बताए। अध्यक्ष ओलीले देशलाई विकास र समृद्धिको दिशामा अघि बढाउन आसन्न निर्वाचनमा नेकपा एमालेलाई जिताउन आवश्यक भएको बताए। अध्यक्ष ओलीले टुक्रेहरुलाई भोट दिएमा देशमा सुशासन कायम नहुने उनले बताए।

अध्यक्ष ओलीले माओवादी केन्द्र का अध्यक्ष पुष्पकमल दाहाल प्रचण्ड र प्रधानमन्त्री देउवा सगै अझै पनि मित्रवत व्यवहार भएको बताए ।

दुई अध्यक्षको अन्र्तवार्ताको भिडियो बेलुका ९ बजे एबीसी टेलिभिजनको कार्यक्रम “आउटलुक” मा प्रशारण गरिने छ ।