काठमाडौं, २७ कात्तिक ।  बाह्रै महिना हराभरा बातावरण सफा, सुन्दर अनि रमणिय दृष्य । देवदहमा बर्षौ देखी सतीसाल झै उभिएको छ एउटा बृक्ष, जुन बृक्ष अलौकिक छ र उत्तिकै बिशाल पनि । त्यसैले त यस वृक्षलाई द ट्रि अफ हेभन को उपमा दिईएको छ । वृक्ष वरपरको स्थान, यस वृक्षकै नाम पाकडीबाट राखीएको छ ।यो वृक्ष मात्र एउटा जराबाट थुप्रै हा“गाहरु फैलिएको छ । यहि पाकडी बृक्ष हेर्न दैनीकजसो पर्यटकहरु आइरहनछन् । रुपन्देहीको देवदह नगरपालिका वडा न. ८ मा रहेको यो वृक्ष हेर्नका लागि स्वदेसी तथा विदेशी पर्यटकहरु वर्षेनी हजारौंको हाराहारीमा आईरहन्छन् । वृक्षको छहारीमा बसेर आत्मसन्तुष्टि लिनका लागि पनि दिनहु मानिसहरुको घुईचो बढेको पाइन्छ ।

विशेष गरि यो बृक्षमा आन्तरिक एवं बाह्रय बुदिष्टहरु अवलोकन भम्रणमा आउने पर्यटकका कारण पाकडी तथा देवदह क्षेत्रमा पर्यटकको संख्या बढेको पाकडी बृक्षको रेखदेखमा खटिएका कर्मचारी बताउछन् ।

नेपालको मात्र होईन एशियाकै ठूलो वृक्षको रुपमा यस्लाई लिइन्छ । पाकडीको वृक्ष पुर्व पश्चिम महेन्द्र राजमार्गको शितलनगर चोकदेखि २ कि.मी. दक्षिणमा छ देवदह । हो यहि छ पाकडी बृक्ष । रहस्य नै रहस्य भेटिन्छन यो रुखमा । रुखको हा“गाहरुबाट कतै गणेश भगवानको स“ँड कतै विभिन्न भगवानका रुप बनेका देख्न सकिन्छ । यस्तै अन्य अनौठा आकृति देख्ने भएकाले पनि यस प्रती सबैको चासो बढ्न थालेको छ । ८२ फिट अग्लो अर्थात करिब ३० मिटर उचाई र झण्डै ३० मिटर नै परिधि भएको यस वृक्षले एक कठ्ठा जमिन ओगटेको छ । झन्डै १ कठ्ठा क्षेत्रफलमा फैलिएको पाकडी वृक्षलाई साक्षी राखेर प्रेम प्रस्ताव राखे प्रेम सफल हुन्छ भन्ने जनबिश्वास पनि रहेको छ । रहेको स्थानीयले बताउँछन् ।

शान्तिका अग्रदुत गौतम बुद्धको मावली क्षेत्र अर्थात रुपन्देहीको देवदह । वौद्ध ग्रन्थका अनुसार बुद्धको मावली मात्र होइन श्रीमती यशोधराको माइती अर्थात बुद्धको ससुराली पनि हो देवदह । महामानव गौतम बुद्धको जन्म र यस वृक्षको जन्म एकै समयमा भएको देखिएकोले यस वृक्षको ईतिहास पनि २५ सय बर्ष पहिलेकै भनेर बिश्वास गरिन्छ । ऐतिहासिक महत्व बोकेको यस वृक्षमा कुनै पनि चरा चुरुङीले गुड नलगाउने तथा हात्ती पनि नजिक नजाने बिशेषता रहेको बताइन्छ । वृक्षमा देख्न सकिने बिभिन्न देविदेवताहरुका धार्मिक आकृतिहरुका आधारमा धार्मिक मान्यता अनुसार पुजा अर्चना पनि गरिन्छ । रुखलाई हानी वा दखल पु¥याउने आ“ट कसैले गर्दैनन ।

बौद्धग्रन्थहरुमा उल्लेख भए अनुसार तत्कालिन समयमा गौतम बुद्धबाट हालको यसै पाकडी वृक्ष भएको स्थानमा होमखाडी बनाएर यज्ञ गरेको तथ्यहरु देखिनुले सो यज्ञ गरिएको स्थानमा नै पाकडीको वृक्ष उम्रेको र यो बुद्धसंग सम्बन्धित रहेको पुष्टि हुन्छ । लुम्बिनी मा आउने पर्यटक को बसाई लम्ब्याउने हो भने देबदह मा रहेका अन्य स्थान र पाकडी बृक्षको प्रर्वद्धन र संरक्षण गर्नु आवश्यक छ । पाकडी यति घना र सुन्दर छ कि रुपन्देही को ४० डिग्री को गर्मीमा पनि शितल प्रदान गर्दै सबैलाई मनमोहक बनाइ दिन्छ । आन्तरिक पर्यटक मुस्किल ले पाकडिमा पुग्ने गरेका छन् एकपटक त्यहा“ पुग्ने जोकोही मोहित बन्छन र बारम्बार जाने इच्छा राख्छन ।