सर्लाही , ८ माघ । सर्लाही मोतिपुर मा करेण्ट लागेर एक महिला को ज्यान गएको छ । सर्लाहीको कौडेना गाउपालिका ४ अन्तर्गत मोतिपुर बस्ने कैलाश साहकी श्रीमती ४५ वर्षीया कलादेवी साहको सोमवार विहान साढे ६ बजे करेण्ट लागी गम्भिर घाइते भएपछी उपचारको लागि जिल्ला अस्पताल मलंगवा ल्याउने क्रममा बाटोमै ज्यान गएको हो ।

सर्लाहीको चकरघाटा गाउपालिका वडा नंं.१ शिवनगर मा रहेको भगवान शंकर को मन्दिर मा जल चढाएर निस्कने क्रममा मन्दिर नजिकै नाङ्गो तारमा देव्रे हातले छुन गई करेण्ट लागे पछि अचेत भएकी उनको जिल्ला अस्पताल पुर्याउदा मृत्यु भै सकेको अस्पताल ले जनाएको हो ।

मेलामा जिल्ला का विभिन्न स्थान बाट लाखौको संख्यामा  भगवान शिवका दर्शनार्थी हरु आउने भएकोले मेला समितिले ठाउ ठाउमा बतीको व्यवस्था मिलाउने क्रममा नाङ्गो तार छोडेको र मेला समिति ले फितलो सुरक्षाको कारण ज्यान गएको मृतकका छोरा अजय कुमार साहले दुखेसो गरेका छ्न। बुवा को पहिला नै मृत्यु भएको र आमाको पनि अहिले अकस्मात ज्यान गएको ले आफु टुहुरो र एक्लो भएकोले यो घटनाको छानविन गर्न समवन्धित निकाय संग अजय ले माग गरेका छन ।

लाशको पोष्टमार्टमको लागि जिल्ला अस्पताल सर्लाहीमा ल्याएको र छानविन भइरहेको जिल्ला प्रहरी कार्यालय सर्लाहीका प्रहरी प्रवक्ता प्रहरी नायव उपरिक्षक राजेश थापाले जानकारी दिनुभयो । यसै गरि गत वर्ष पनि शिवनगर को मेलामा जल चढाउने क्रम मा एकजनाको ज्यान गएको थियो ।

एबीसी रिर्पोटर प्रेमनाथ पौडेल