काठमाण्डौ ६ माघ । प्रदेश नम्वर १ का प्रदेश प्रमुख डा। गोविन्द्र सुब्बालाई आज काठमण्डौमा प्रादेशिक राजधानी धनकुटा निर्माण समिति काठमाण्डौले र काठमाण्डौमा रहनु भएका धनकुटेलीहरुले बधाई दिएका छन् ।

बधाइ दिदै १ नम्वर प्रदेशको राजधानी धनकुटालाई बनाउनभै आन्दोलनको वारेमा जानकारी गराउदै धनकुटामा पनि प्रदेश सभाको बैठक राख्न अनुरोध गरिएको छ । प्रदेश नम्वर १ का प्रदेश प्रमुख डा। गोविन्द्र सुब्बा र भौतिक पूर्वाधार तथा यातायत राज्य मन्त्रि सिता गुरुङ्गलाई प्रादेशिक राजधानी धनकुटा निर्माण अभियान समिति तथा नेपाली कांग्रेस धनकुटाका सचिव विजय सन्तोषी राई,सम्पर्क समितिका सभापति भिम थापा,डम्वर वस्नेत लगायतले प्रदेशको राजधानी माग गर्दै धनकुटामा भैरहेको आन्दोलनको वारेमा जानकारी गराउनु भएको थियो ।

प्रदेश प्रमुख डा। सुब्बालाई उहाहरुले धनकुटा लगायत प्रदेशको राजधानीका लागी प्रमुख दाबेदार रहेका स्थानहरुमा प्रदेश सभाको बैठक कम्तिमा एक पटक राख्ने व्यवस्था गरिरदनु समेत अनुरोध गरिएको छ ।

सो अवसरमा प्रादेसिक राजधानी धनकुटा निर्माण अभियान समिति तथा नेपाली कांग्रेस धनकुटाका सचिव विजय सन्तोषी राई,सम्पर्क समितिका सभापति भिम थापा नेपाल पत्रकार महासंघका केन्द्रिय सदस्य गोपाल वराईली,अभियान्तहरु डम्वर बस्नेत,इन्द्र वस्नेत,तारासिंह थामी,नगेन्द्र वस्नेत,नेपाल पत्रकार महासंघ धनकुटाका अध्यक्ष राजेश्वर वहादुर श्रेष्ठ लगायतले डा।गोविन्द सुब्बालाई १ नम्वर प्रदेश प्रमुखमा नियूक्ति हुनु भएकोमा अभियान समिति र धनकुटेलीहरुको तर्फबाट बधाईका साथ सफल कार्यकालको हार्दिक शुभकामाना समेत दिएको थियो