बर्दिया,५ माघ । थारु भाषाको विकास गर्नका लागि बर्दियामा राष्ट्रिय थारु साहित्यिक मेला सुरु भएको छ । थारु भाषाका साहित्य सृजनाहरुमा भएका कमजोरीहरु पत्ता लगाई व्याकरणीय शैलि तथा सहित्यिक लेखनिको विकास गर्न थारु भाषाका लेखक तथा सहित्य समालोचकहरु बर्दियामा भेला भएका हुन् ।

शुक्रबारबाट बर्दियाको बढैयाताल गाउँपालिकामा सुरु भएको सहित्यिक मेलामा राष्ट्रिय प्रज्ञा प्रतिष्ठानका पदाधिकारी, थारु भाषामा साहित्यकार ,समालोचक, भाषा विज्ञ तथा थारु सहित्यका कथाकार,कवि तथा गजलकार लगाएतका उपस्थिती भएका छन् । उनीहरुले थारु भाषा र साहित्यको विषयमा दुइ दिन सम्म छलफल गर्ने छन ।

पहिलो दिनको छलफलमा थारु लोककथाको समालोचना तथा आख्यान लेखनीमा छलफल गरेका सर्जकहरुले समग्र थारु समुदाय र साहित्यको विकास गर्न शिक्षामा जोड दिनु पर्ने आवश्यकता औल्याएका छन् ।

तेस्रो राष्ट्रिय थारु सहित्यिक मेलामा सहभागिहरुले थारु भाषाका रचनाहरु लाई राष्ट्रिय प्रज्ञाप्रतिष्ठानले प्रकाशन गर्न चासो नदेखाएको  गुनासो गरे । सहभागिहरुको गुनासो पछि थारु भाषा,संस्कृति विकासमा प्रज्ञाप्रतिष्ठान लागि पर्ने प्रतिष्ठानले जनाएको छ ।

नेपाल प्रज्ञा प्रतिष्ठान २ दिन सम्म चल्ने साहित्यिक मेलामा लेखक,व्याकरण प्रकाशणमा भाषाविज्ञ तथा सर्जकहरुले साहित्यमा आख्यान लेखन,रगंमञ्चका चुनौति, थारु लोक कथा, महिला लेखक र महिला नेतृत्व चुनौति जस्ता विषयमा गहन छलफल गर्ने छन ।

एबीसी रिर्पोटर यज्ञप्रसाद सापकोटा