काठमाडौँ, ६ असार । प्रतिनिधिसभा बैठकको शून्य समयमा सासंसदहरूले पेट्रोलियम पदार्थमा भएको मूल्यवृद्धि फिर्ता गर्नुपर्ने, लामो समयदेखि अलमलमा रहेको नागरिकता विधेयक पास गर्नुपर्ने लगायतका समसामायिक विषय उठाएका छन् ।

नेकपा एमालेका सासंद नारायणप्रसाद मरासिनीले लगातारको मूल्यवृद्धिले जनताको ढाड सेकेको भन्दै सरकार लाचार र असंवदनशील भएको बताउनुभयो । उहाँले सरकारले आफ्ना कमजोरी लुकाउन लाज मात्र छोपेको भन्दै सभामुखमार्फत सरकारको ध्यानाकर्षण गराउनुभयो । नेपाली कांग्रेसकी सासंद पुष्पा भुसासले पेट्रोलियम पदार्थमा भएको मूल्यवृद्धिको प्रत्यक्ष असर न्यून आय भयको वर्गामा परेको भन्दै सरकारले यथाशीघ्र विशेष अनुदानको व्यवस्था गर्नुपर्ने बताउनुभयो ।

नेकपा (माओवादी केन्द्र) का सासंद देव गुरुङले नेपाल आयल निगमले निरन्तर बढाएको पेट्रोलियम पदार्थको मूल्य वृद्धि फिर्ता लिएर यसको विकल्प खोज्न सरकारसँग माग गर्नुभयो । नेमकिपाका सासंद प्रेम सुवालले अमेरिकी सरकारले युक्रेनमा रुसविरुद्ध गरेको युद्धले विश्वव्यापी रूपमा इन्धनको मूल्य बढेको र खद्यान्न संकट भएकोमा पाँच दलिय गठबन्धन सचेत नभएको आरोप लगाउनुभयो । उहाँले संयुक्त राष्ट्रसंघमा नेपालले रुसविरुद्ध मत दिएकाले मूल्यवृद्धि भएको भन्दै त्यो गल्ती सच्याउनुपर्नेमा जोड दिनुभयो ।

नेकपा एमाले सासंद निरुदेवी पालले सरकराले मूल्य वृद्धिमात्र गरेर जनतालाई महंगी उपहार दिएको भन्दै व्यंग्य गर्नुभयो । यता एमाले सासंद थममाया थापाले सदन र संसदमा यौन हिंसाको विषयक उठिरहेको समयमा महान्यायाधवक्ताको कार्यालयले यस्तो मुद्दा कमजोर बनाउने खेल खेलेको आरोप लगाउनुभयो ।
यस्तै सासंदहरूले नागरिकता विधेयक पारित नहुँदा धेरै विद्यार्थी पठनपाठनबाटै बञ्चित हुनुपरेको सांसदहरूले बताएका छन् ।