काठमाडौं, २६ जेठ । प्रतिनिधि सभा सांसद पार्वपति विशुन्खेले संघिय राजधानीको मुटुमा रहेको जगतगुरु आदर्श संस्कृत गुरुकुलले दलित भएकै कारण ४ बालकलाई पढाइबाट बञ्चित गरेको बताउदै के यो जातिय विभेद होईन र भनि शभामुख अग्नि प्रसाद सापकोटालाई प्रश्न गरेकि छन ।संघिय संसदको सुन्ने समयमा विहिबार आज बोल्दै विशुन्खेले ललितपुरको शंखमुलमा २०६९ सालदेखि संचालनमा रहेको जगतगरु आदर्श संस्कृत गुरुकुलले दलित भएकै कारण ४ बालकलाई पढाइबाट बञ्चित गरेको बताएकि छन ।

सांसद विशुन्खेले भनिन् “आर्थिक रुपमा विपन्न परिवारका ती ४ जना बालकहरु क्रमश : ९ वर्षे भुवनेश्वर सुनार, १० वर्षे समीर सुना १० बर्षे भिमबहादुर सुनार १२ बर्षे विराज सुनार, जसले पढ्न पाएनन् । वर्दिया जिल्लाबाट यही जेठ १८ गते नरेन्द्र सुनार विश्व हिन्दु महासंघका दक्षिण एसिया प्रमुख एंव समानता अभियानका अध्यक्ष चन्द्रककान्त पौडेलको सम्पर्क र समन्वयमा ४ बालक लिएर काठमाडौं आए ।

२० गते बालकको व्रतवन्ध र मुण्डन गरे । २१ गते भर्ना गर्न गए । सनिवार भएकाले भर्ना लिएन । २१ गते राती त्यही गुरुकुलमा बसे । राती नरेन्द्रलाई जातरथर सोधियो, सबै खुलाएर उनले आफु दलित भएको बताए । २२ गते विहान जातकै कारण गुरुकुलका प्रचार्य तेजप्रसाद भट्टराईले हामीसंग सिट छैन भनी फर्काएको उनको गुनासो छ । ”गुरुकुल कै वईभ साईटमा राखीएको विज्ञप्तीमा ५० जना सिट संख्या भएको भनी उल्लेख गरेको तर ३३ जना मात्र विद्यार्थी भर्ना भएका सांसद विशुन्खेको भनाई छ ।