सिन्धुली ३ जेठ । सत्तारुढ गठबन्धनका उमेद्वार माओवादी केन्द्रका बज्रध्वज वाइबा सिन्धुलीको हरिहरपुरगढी गाउँपालिका अध्यक्षमा निर्वाचित भएका छन् । १ ११३ मतको फराकिलो अन्तरमा विजयी वाइबाले ४७२९ मत पाएका छन् । उनका निकटतम प्रतिद्वन्द्वी एमालेका मानबहादुर वाइबाले ३६१६ मत प्राप्त गरेका छन् ।

उपाध्यक्षमा कांग्रेसका चेखबहादुर थिङले ५७०३ मत ल्याएर विजयी हुँदा निकटतम प्रतिद्वन्द्वी निर्मला ठाडामगरले आधा २ ८५५मत पाइन् ।

८ वटा वडा मध्ये हरिहरपुरगढी गाउँपालिकामा वडा नं १मा एमाले वडा नं २ मा कांग्रेसले वडाध्यक्षसहित प्यानल जित हात पारेको छ भने बाँकी ३ देखि ८ सम्मका ६ वटा वडाहरुमा माओवादी केन्द्रले अध्यक्ष सहितको प्यानलै विजयी हासिल गरेको छ । ०७४ को निर्वाचमा माओवादी अध्यक्ष, उपाध्यक्षसहित बहुमत वडामा विजयी भएको थियो । त्यतिखेर एमालेले २ वडा र कांग्रेसले एक वडामा जित हात पारेका थिए ।