काठमाडौं । नेपाली कांग्रेसको १४ औं महाधिवेशन अन्तर्गत आज मतगणना भइरहेका पांच सहमहामन्त्रीको परिणाम सार्वजनिक भएको छ ।
कांग्रेस निर्वाचन समितिका अनुसार पिछडिएको क्षेत्र समूहबाट सहमहामन्त्रीमा बद्री पाण्डे निर्वाचित हुनुभएको छ । शेखर कोइराला समूहबाट उम्मेदवारी दिनुभएका पाण्डेले २ हजार ४ सय ११ मत ल्याएर विजयी हुनुभएको हो । पाण्डेले कर्णाली प्रदेशका मुख्यमन्त्रीसमेत रहनुभएका शेरबहादुर देउवा प्यानलका जीवनबहादुर शाहीलाई पराजित गर्नुभयो । देउवा प्यानलका शाहीले २ हजार १ सय ३३ मत ल्याउनुभएको छ भने अर्का उम्मेदवार चेतराज बरालले ९९ मत ल्याएको निर्वाचन समितिले जानकारी दिएको छ । यसअघि शेखर प्यानलकै जीवन परियार दलितको क्लस्टरबाट विजयी हुनुभएको थियो । योस“गै शेखर प्यानलबाट सहमहामन्त्रीमा दुई जना विजयी भएका छन् ।

यसैगरी खस आर्यतर्फ सहमहामन्त्रीमा किशोरसिंह राठौर र मुस्लिम सहमहामन्त्रीमा फरमुल्लाह मन्सुर निर्वाचित हुनुभएको छ । निर्वाचन समितिका अनुसार शेख वकीललाई ९०१ मतान्तरले हराउ“दै मन्सुर विजयी बन्नुभएको हो । मन्सुरले २ हजार ७ सय ७६ र वकीलले १ हजार ८ सय ७५ मत प्राप्त गर्नुभएको छ । यस्तै खसआर्यतर्फ किशोरसिंह राठौरले २ हजार ५ सय ७६ मत ल्याएर शेखर प्यानलका देवराज चालिसेलाई पराजित गर्नुभएको हो । चालिसेले २ हजार ५९ मत पाउनुभएको छ । यसअघि बिहीबार महिलातर्फ महालक्ष्मी उपाध्याय डिना, दलिततर्फ जीवन परियार र आदिवासी जनजातितर्फ भिष्मराज आङ्देम्बे निर्वाचित भइसक्नुभएको छ । यसैगरी थारुतर्फको क्लष्टरबाट सहमहामन्त्रीमा उमाकान्त चौधरी निर्वाचित हुनुभएको छ । कृष्ण सिटौलाको कोटाबाट देउवा पक्षका उम्मेदवार उमाकान्तले तेजुलाल चौधरीलाई ८ सय ७९ मतले पराजीत गर्नुभएको हो । निर्वाचित चौधरीले २ हजार ७ सय ५६ र प्रतिस्पर्धी तेजुलालले १ हजार ८ सय ७७ मत पाएको निर्वाचन समितिले जनाएको छ ।

यसैगरी मधेशी क्लस्टर अन्तर्गतको सहमहामन्त्री पदमा देउवा समूहका महेन्द्र यादव विजयी हुनुभएको छ । यो स“गै सबै १३ जना नै पदाधिकारीको नतिजा घोषणा भएको छ । घोषित नतिजाअनुसार पदाधिकारीमा सभापति शेरबहादुर देउवा र उपसभापति पूर्ण बहादुर खड्का बाहेक सबै पदाधिकारी नया“ हुन् । यसैबीच कांग्रेसको केन्द्रीय निर्वाचन समितिले १४ औं महाधिवेशनबाट केन्द्रीय सदस्य छान्न आजै सा“झबाट केन्द्रीय सदस्यको मतगणना सुरू गरिएको छ । निर्वाचन समितिका अनुसार अहिले मधेसी महिला केन्द्रीय सदस्यको मतगणना शुरु भएको छ । प्रदेश २ को प्रदेश अधिवेशन बा“की रहेकाले त्यहा“का नेता तथा कार्यकर्ता प्रदेश जानुपर्ने भएकाले पहिले मधेसी महिलातर्फ केन्द्रीय सदस्यको गणना गरिएको हो । मधेसी महिलातर्फबाट ४ पदमा ५ जना उम्मेदवार छन् । खुला केन्द्रीय सदस्यका लागि भने शनिबारबाट मतगणना गरिने बताइएको छ ।