काठमाडौं । नेकपा एकीकृत समाजवादीका अध्यक्ष माधवकुमार नेपालले अब आउने चुनावमा नेकपा एमालेलाई टर्च बालेर खोज्नुपर्ने अवस्था आउने दाबी गर्नुभएको छ ।  शनिबार बिराटनगरमा आयोजित शुभकामना आदान प्रदान कार्यक्रमलाई सम्बोधन गर्दै अध्यक्ष नेपालले दुई तिहाईको सत्ताको मात लागेका केपी ओली रुपी घोडामा सवार वादशाहलाई आफूहरुले आ“ट गरेर भुईंमा पछारिदिएको बताउनुभयो । त्यसैले आज केपी ओली भुईंमा पुगेको तर एकीकृत समाजवादी पार्टी सत्तामा पुगेको उहा“को भनाइ थियो ।

अध्यक्ष नेपालले एमाले आफ्नै पार्टी भए पनि त्यहा“ नौ डिग्री स्केलको भुइ“चालो आएको र घरको जग हल्लिन थालेपछि आफूहरुले विद्रोह गरेर नया“ पार्टी जन्माएको दावी गर्नुभयो । सूदूरपश्चिम प्रदेशमा एकीकृत समाजवादी पार्टी पहिलो भएको र ओलीको पार्टी भुईंमा पछारिएको भन्दै अध्यक्ष नेपालले एमालेमा विद्रोहको सुरुवात कर्णालीबाट भएको र दुई नम्बर प्रदेशमा पनि एमाले भन्दा आफूहरुको पार्टी ठूलो भएको बताउनुभयो । अहिले भर्खर बागमतीमा पनि आफ्नै पार्टीको नेतृत्वमा सरकार बनेको भन्दै अध्यक्ष नेपालले भोलिको चुनावमा केपी ओलीको पार्टीलाई टर्च बालेर खोज्नुपर्ने अवस्था आउने बताउनुभयो ।