काठमाडौँ, २३ बैशाख । प्रधानमन्त्री केपी शर्मा ओलीले मन्त्रिपरिषद्को बैठक बोलाउनु भएको छ । बिहीबार साँझ ५ बजे बालुवाटारमा प्रधानमन्त्री ओलीले बैठक बोलाउनुभएको हो ।आजको बैठकमा विभिन्न मन्त्रालयका निर्णय, कोरोना संक्रमण नियन्त्रण र समसामयिक राजनीतिक विषयमा छलफल हुने एक मन्त्रीले जानकारी दिनुभयो । मन्त्रिपरिषद्को बैठक अगाडि प्रधानमन्त्री ओली राष्ट्रपति विद्यादेवी भण्डारीलाई भेट्न शीतल निवास जानुभएको छ । आजको बैठकले थप महत्वपूर्ण निर्णय गर्न सक्ने बताइएको छ ।

आजै विहान नेकपा एमालेको स्थायी कमिटिको बैठक सम्पन्न भएको छ ।  बैठकमा जेठ ६ गतेको  राष्ट्रियसभा सदस्यपदकाे निर्वाचन बारे छलफल भएको र छलफलमा एमाले उम्मेदावारलाई जिताउने के कस्तो रणनीति अपनाउने, कसरी जित सुनिश्चित गर्ने भन्ने बारे छलफल भएको पार्टी प्रवक्त तथा पराराष्ट्रमन्त्री प्रदीपकुमार ज्ञवालीले बैठक पछि पत्रकारहरुलाई बताउनुभयो । त्यस्तै आगामी संसदको विशेष अधिवेशमा विश्वासको मत लिने बारे पनि छलफल भएको र अन्य दलहरुसँको जारी छलफल सघन ढङ्गले बढाउने र छलफललाई निरन्तरता दिने विषयमा कुराकानी भएको उहाँले जानकारी दिनुभयो ।