काठमाडौं, १८ चैत्र । भारतीय सरकारसँगको सहकार्यमा बनेको हुलाकी राजमार्गको १३ वटा खण्ड निर्माण सम्पन्न भई हस्तान्तरण भएको छ । बुधबार भौतिक योजना तथा यातायात मन्त्रालयमा एक कार्यक्रमकाबीच नेपालका लागि भारतका राजदूत विनयमोहन क्वात्राले भौतिक पूर्वाधार तथा यातायात मन्त्री वसन्तकुमार नेम्वाङ्गलाई निर्माण सम्पन्न भएका सडकखण्डहरु हस्तान्तरण गर्नुभयो ।

कुल १ हजार ८ सय ५७ किलोमिटर लम्बाई भएको हुलाकी राजमार्गको २ सय ७३ किलोमिटर आज हस्तान्तरण गरिएको छ । योसँगै हुलाकी राजमार्गलाई जोडने विरगञ्ज–ठोरी ३० किलोमिटर सडकखण्ड निर्माण सम्पन्न हुने चरणमा छ । नेपालको तराई क्षेत्रको विकासका लागि महत्वपूर्ण मानिएको हुलाकी राजमार्गको निर्माण लामो समयदेखि अडकिएर बसेको भएपनि निर्माण सम्पन्न हुने चरणमा पुगेको छ । हस्तान्तरण कार्यक्रममा मन्त्री नेम्वाङ्गले नेपालको भौतिक पूर्वाधारको विकासमा भारतीय सहयोग महत्वपूर्ण रहेको बताउनुभयो । नेपाल सरकारले अघि सारेको समृद्ध नेपाल सुखि नेपालीको नारालाई यसप्रकारका भौतिक पूर्वाधारको माध्यमबाट सकार पार्न सकिने बताउनुभयो ।

कार्यक्रममा नेपालका लागि भारतीय राजदूत क्वात्राले नेपालको विकासका लागि भारतले सक्दो सहयोग गर्ने बताउनुभयो । भारतले छिमेक पहिलो नीति लिएर छिमेकी देशको भौतिक पूर्वाधारको विकास, सामाजिक विकास र आर्थिक उन्नति हुनेगरी सहयोग गरिरहेको बताउनुभयो ।

नेपालसँग त रोटीबेटीको सांस्कृतिक सम्बन्ध पनि रहेको हुँदा सँधै सहयोग गरिरहने बताउनुभयो । आगामी महिना जनकपुर–जयनगर रेल सञ्चालन हुने अवस्थामा रहेको र त्यसका लागि भारत सरकारबाट प्राविधिक र जनशक्ति सहयोग भएको पनि बताउनुभयो । यस्तै रक्सौल–काठमाडौं रेलमार्गका लागि डिपीआर तयार गर्ने काम पनि भारतीय सहयोगमा भइरहेको पनि राजदूत क्वात्राले बताउनुभयो ।

निर्माण सम्पन्न भइसकेका तराई सडक प्याकेजका नाम, लम्बाई र स्थान यस प्रकार छन्ः

क्रम संख्या सडकको नाम लम्बाई (किमि) जिल्ला १ मनमत—कलैया—मटियर्वा,प्याकेज १ १५.०० बारा २ मनमत—कलैया—मटियर्वा,प्याकेज २ ११.६६ बारा ३ बीरेन्द्रबजार—यदुकुहा—महिन्थपुर, प्याकेज १ १७.०० धनुषा ४ बीरेन्द्रबजार—यदुकुहा—महिन्थपुर, प्याकेज २ १५.३१ धनुषा ५ जनकपुर— यदुकुहा १६.६३ धनुषा ६ माइस्थान—गौशालाबजार—सम्शी २६.९४ महोत्तरी ७ जलेश्वर—हर्दी २७.२६ महोत्तरी ८ लमही—कोइलाबास ३३.४७ दाङ् ९ कानेपोखरी—रङ्गेली २५.४० मोरङ्ग १० कल्याणपुर—बरसाइ—सुभ्रानपट्टी १७.२८ सप्तरी ११ तामागढी—सिम्रौनगढ, प्याकेज १ २०.०० बारा १२ तामागढी—सिम्रौनगढ, प्याकेज २ १९.७४५ बारा १३ बीरगंज—ठोरी, प्याकेज १ २५.६० पर्सा १४ बीरगंज—ठोरी, प्याकेज २ ३०.०० पर्सा ७. सम्बोधनका क्रममा राजदूत र मन्त्रीद्वयले नेपालको सडक विभागको हुलाकी राजमार्ग निर्देशनालय तथा NHIDCL का अधिकारीहरु र यस परियोजनासँग आबद्घ सबै सरोकारवालाहरुले यस परियोजनालाई सम्पन्न गर्न पु¥याएको सहयोग र सहकार्यको सराहना गर्दै उहाँहरुमा हार्दिक धन्यवाद व्यक्त गर्नुभयो ।