काठमाडौं, २६ पुस । पुष १७ गतेबाट सुरु भएको राष्ट्रिय सभाको हिउँदे अधिवेशन १० नवित्दै अन्त्य हुन लागेको छ । राष्ट्रिय सभामा विजनेशनको अभाव देखाउँदै अधिवेशन अन्त्य गर्न लागिएको हो ।
राष्ट्रिय सभाको आज बस्ने बैठकमा प्रधानमन्त्री केपी शर्मा ओलीले सम्बोधन गरेपछि अधिवेशन अन्त्य गर्ने तयारी भएको छ । संविधानको धारा ९३ को उपधारा २ मा राष्ट्रपतिले संघीय संसदको दुवै वा कुनै सदनको अधिवेशनको अन्त्य गर्ने उल्लेख गरिएको छ ।

राष्ट्रिय सभामा एक सदस्यदले भन्नुभयो प्रधानमन्त्रीको विशेष सम्बोधन पछि अधिवेशन अन्त्य हुने बताए । ‘ उहाँका अनुसार दिउँसो १ बजे बस्ने बैठकमा आज विशेष समय र शुन्य समय छैन । प्रधानमन्त्रीको विशेष सम्बोधन हुन्छ । सम्भवतः त्यसपछि अधिवेशनको पनि अन्त्य हुन्छ ।’

संघीय संसदका दुई सदनमध्ये प्रतिनिधसभालाई प्रधानमन्त्री ओलीले विघटन गरेपछि राष्ट्रिय सभामात्रै बाँकी रहेको छ । पार्टीभित्रको किचलो मिलाउन नसकेका प्रधानमन्त्री ओलीले प्रतिनिधिसभा समेत यही पुष ५ गते विघटन गनुभएको थियो । तर, संवैधानिक बाध्याताका कारण राष्ट्रिय सभाको हिउँदे अधिवेशन यही पुष १७ गते बोलाइएको थियो । संघीय संसदको एक अधिवेशन समाप्त भएको ६ महिनाभित्र अर्को अधिवेशन बोलाउनै पर्ने संवैधानिक प्रावधान रहेको छ । संघीय संसदका दुई सदनमध्ये राष्ट्रिय सभा कहिल्यै अन्त्य नहुने सदन हो ।