बीरगंज १५ असोज । नेपाल प्रहरीको प्रहरी निरीक्षक (इन्सपेक्टर) को पोशाक लगाएर ठगी गरेको आरोपमा एकजना पक्राउ परेका छन् ।

बीरगंज महानगरपालिका वडा नं १६ स्थित नगवामा रहेको देव पार्टि प्यालेसमा परिक्षा लिईरहेको अवस्थामा जिल्ला प्रहरी कार्यालय पर्साको क्राईम ब्रान्च प्रहरीले छापामारी गरि पक्राउ गरेको हो ।

प्रहरीले १ जना नक्कली प्रहरी निरिक्षक २ जना महिला सहित २७ जनालाई नियन्त्रणमा लिएको जिल्ला प्रहरी कार्यालय पर्साका प्रहरी नायव उपरिक्षक मन्जीत कुवरले बताउनुभयो । वारा जिल्ला जितपुर सिमरा उपमाहानगरपालिका ७ चौधरी टोल बस्ने राश विहारी राय यादवका छोरा बर्ष २९ को अजय कुमार यादवलाई नक्कली प्रहरी निरिक्षकको पोशाकमा नक्कली प्रहरी सहायक निरिक्षक र राष्टिय अनुशंधान बिभागको सहायक सुचक पदमा जागिर लगाई दिने भन्दै जनही २५ हजार रुपैया लिई ठगी गरेको आरोपमा पर्सा प्रहरीले पक्राउ गरेको पर्सा प्रहरीका प्रवक्ता प्रहरी नायव उपरिक्षक मन्जीत कुवरले जानकारी दिनुभयो ।

पक्राउ परेका यादवले राष्टिय अनुशंधान र प्रहरी सहायक निरिक्षक असईमा जागिर लगाई दिने र त्यसका लागी लोक सेवाको परिक्षा दिनु पर्ने बताउदै बुधवार बीरगंज १६ स्थित नगवामा रहेको देव पार्टि प्यालेसमा परिक्षा लिईरहेको अवस्थामा नक्कली ईन्सपेक्टर २ महिला परिक्षार्थी गरी २७ जना पक्राउ परेका हुन् ।

गोप्य रुपमा परिक्षा सञ्चालन भईरहेको भन्ने विशेष सुचनाका आधारमा पर्सा प्रहरीको क्राईम ब्रान्चका प्रहरी नायव निरिक्षक प्रकाश राउत र जिल्ला प्रहरी कार्यालय पर्साको प्रहरीको खटिएको टोलिले नक्कली ईन्स्पेक्टर यादव सहित परिक्षार्थीहरुलाई नियन्त्रणमा लिएको हो । प्रहरीले नियन्त्रणमा लिएका २१ जना परिक्षाथीहरुलाई उनिहरुको अभिवावकहरुको जिम्मामा छाडिएको र नक्कली ईन्सपेक्टर यादव सहित अन्य ६ जनालाई नियन्त्रणमा लिई अनुसन्धान भइरहेको पर्सा प्रहरी प्रवक्ता कुवरले बताउनुभयो । प्रहरीले नियन्त्रणमा लिएको नक्कली ईन्सपेक्टर यादवले २१ जना परिक्षार्थीहरुसंग जम्मा  ३ लाख ६१ हजार रुपैया असुली गरेको पर्सा प्रहरीले जनाएको छ ।

आफुहरुलाई जागिर लगाई दिने भन्दै २५ हजार रुपैया र १ हजार रुपैया फारम भरेको गरी २६ हजार रुपैया लिएको र बाकीको १ लाख रुपैया पछी दिनु पर्ने सो परिक्षामा सहभागी भएकाले बताएकाछन । उता परिक्षामा सहभागी भएकी एक युवती आफनो छिमेकी भएकोले यस बिषयमा केही थाहा नभएको र आफुले परिक्षामा सहभागी भएपनी अहिले रकम नदिएको र आफुलाई नक्कली प्रहरी निरिक्षक भएको थाहा नभएको बताउदै नक्कली ईन्सपेक्टर यादवलाई सधै वर्दीमै देखेको हुदा आफुले बिश्वास गरेर परिक्षा दिन आएको बताउनुभयो ।