बीरगंज १५ असोज ।  प्रहरीले ठूलो परिमाणमा हरियो केराउ बरामद गरी गोदाममा शिल गरेको छ । जिल्ला प्रहरी कार्यालय पर्साको क्राईम ब्रान्च टोली र प्रदेश २ प्रहरीको संयुक्त प्रहरी टोली भण्डारण गरि राखेको ३ लाख २५ हजार किलो हरियो केराउको गोदाम नियन्त्रणमा लिएको हो ।

विशेष सुचनाको आधारमा महानगरपालिका १६ इनर्वा गाउ स्थित नेपाल भारतको सीमा नजिकै अवैध रुपले गोदाममा लुकाई छिपाई राखिएको करिव ७ हजार बोरा हरियो केराउ पक्राउ गरेको छ । उक्त केराउ प्रीज्म एग्रो कमोडिटिज ट्रेडिङ प्रा लि को रहेको र सो फर्म अधिकारी रुपमा परवानिपुरमा गोदाम रहेको पर्सा प्रहरीले जनाएको छ ।

भारततर्फ तस्करी गर्ने उद्देश्यले सीमा नजिकै अवैध रुपले भण्डारण गरिएको ७ हजार बोरा हरियो केराउ नियन्त्रणमा लिई गोदाम सिल गरिएको छ। पर्सा प्रहरीले एउटा् ट्रयाक्टर पनि नियन्त्रणमा लिएको जनाएको छ। उक्त ट्याक्टरमा ४० क्विन्टल केराउ लोड गरिएको छ । खरिदकर्ता र बिक्रेता दुबैमा प्रिज्मले आफ्नै नाम उल्लेख गरेकोले शंका बढेको प्रदेश नम्बर २ का प्रहरी प्रमुख डिआईजी धिरज प्रताप सिंह बताउनुभयो ।

उक्त केराउको मुल्य अन्दाजी करिव २ करोड ६० लाख रुपैया बराबरको रहेको र अहिले केराउ गोदाम मै शिल गरिएको शिल खोलेर उक्त केराउ राजस्व अनुसन्धान कार्यालय पथलैयामा पठाउने तयारी भई रहेको डिआईजी सिंहले जानकारी दिनुभयो । नेपालमा छोह्डा, मरिच र केराउ को खपत भन्दा हजारौं गुणा बढी आयात भएको कारण नै तस्करी भईरहेकोले समयमा सरोकारवाला को ध्यान जान जरुरी छ।