काठमाडौं, २३ असार । विश्वभर महामारीकोरुपमा फैलिएको कोरोना भाइरसको संक्रमणबाट भारतमा मृत्यु हुनेको संख्या २० हजार १७४ पुगेको छ । पछिल्लो २४ घण्टामा थप ४७४ जनाको मृत्यु भएको छ भने २२ हजार ५१० जना नयाँ संक्रमित थपिएका छन् । योसँगै संक्रमितको संख्या ७ लाख २० हजार ३४६ पुगेको छ । संक्रमितको यो संख्या विश्वकै तेस्रो धेरै हो भने एसियामा सबैभन्दा धेरै हो । संक्रमितमध्ये ४ लाख ४० हजार ९५० जना संक्रमणमुक्त भएका छन् ।
प्रतिक्रिया दिनुहोस्