काठमाडौं, १३ असार । प्रधानमन्त्री निवास बालुवाटारमा जारी सत्तारुढ नेकपाको स्थायी कमिटी बैठकमा प्रधानमन्त्री तथा पार्टी अध्यक्ष केपी शर्मा ओली केहीबेर मात्र सहभागी भएर बाहिरिनु भएको छ । शुक्रबारको बैठकमा उपस्थित नभएपछि सदस्यहरुले चर्को आलोचना गरेका थिए । शनिबार पनि प्रधानमन्त्री ओली केहीबेरमा निस्किएपछि अर्का अध्यक्ष पुष्पकमल दाहाल प्रचण्डले स्वास्थ्यका कारण पूरै समय बैठकमा बस्न नसकेको बताउनुभयो ।
विविध ६ वटा एजेन्डामा सुरु भएको बैठकमा नेपाल भारत सीमा र नागरिकता लगायतका विषयमा छलफल भएका छन् । एमसीसी लगायतका विषयमा भने बैठक प्रवेश गरेको छैन । शुक्रबारदेखि सदस्यहरुले बोल्ने क्रम सुरु भएको हो । शनिबार पनि सदस्यहरुले सीमा विवाद लगायतकै विषयमा बोल्ने एक सदस्यले जानकारी दिनुभयो ।
प्रतिक्रिया दिनुहोस्