काठमाडौं, ४ असार ।   प्रदेश १ बाट ४० जना कोरोना संक्रमित निको भएर बिहीबार डिस्चार्ज भएका छन् । मोरङको गोठगाउँस्थित पूर्वाञ्चल विश्वविद्यालय मेडिकल कलेजको आइसोलेसनबाट ४० जना फूलगुच्छा बोकेर घर फर्किएका हुन् ।

पछिल्लो पटक गरिएको पीसीआर जाँचको रिपोर्ट नेगेटिभ आएपछि उनीहरुलाई डिस्चार्ज गरिएको हो । कोरोना जितेर डिस्चार्ज हुनेमा सुनसरीका १६, झापाका ११, मोरङका ९ र भोजपुरका ४ जना छन ।

उनीहरु १५ देखि ४७ वर्ष उमेर समूहका छन् । गोठगाउँमा आइसोलेसन सञ्चालन भएपछि राखिएका मध्ये पहिलो पटक ४० जना डिस्चार्ज भएका हुन । ४० जना डिस्चार्ज भएपछि अस्पतालमा अब ८५ जना संक्रमित उपचाररत छन् । कोरोना जित्नेहरुलाई विदाई गर्दै प्रदेश १ का सामाजिक विकास मन्त्री घिमिरेले प्रदेश १ मा कोरोना नियन्त्रणमा आउने क्रममा रहेको दाबी गर्नुभयो । बिहीबार घर फर्किएकाहरु २२ जेठदेखि २६ जेठमा अस्पताल भर्ना भएका थिए ।

बिहीबार ४० जना डिस्चार्ज भएसँगै प्रदेश १ मा कोरोना जितेर घर फर्किनेको संख्या २ सय २४ पुगेको छ । संक्रमितको संख्या ४ सय १७ छ । उपचाररत मध्ये २९ जना कोसी अस्पताल कोभिड १९ उपचार केन्द्र विराटनगर, ८५ जना पूर्वाञ्चल विश्वविद्यालय गोठगाउँ र ७८ जना वीपी कोइराला स्वास्थ्य विज्ञान प्रतिष्ठान धरानमा उपचाररत रहेको प्रदेश १ सामाजिक विकास मन्त्रालयले जनाएको छ । यता स्वास्थ्य तथा जनसंख्या मन्त्रालयले नियमति गर्ने पत्रकार सम्मेलनमा भने निको भएर जानेहरुको संख्या एकिन दिने गरेको छैन ।

आजमात्र निको भएर जानेहरुको सम्वन्धी अस्पतालहरुले जनाए अनुसार

विराटनगरबाट ४० जना कोरोना संक्रमित डिस्चार्ज

गण्डक कोभिड अस्पतालबाट ८ जना

बुधबार एकै दिन १५२ जना कोरोना सङ्क्रमित निको भएर घर फर्किएका छ्न् । दैलेखको महाबु गाउँपालिकामा रहेको आइसोलेसन सेन्टरबाट १०६, नारायण क्याम्पसमा रहेको आइसोलेसन र जिल्ला अस्पताल दैलेखबाट ४३ जना, प्रदेश अस्पताल सुर्खेतबाट तीन जना निको भएर घर गएका हुन् । योसँगै कोरोनामुक्त भएर घर जानेको सङ्ख्या कर्णालीमा ४९४ पुगेको छ ।

रुपन्देहीको सैनामैना नगरपालिकाको आइसोलसनमा रहेका १७ जनाले कोरोना भाइरसको संक्रमणलाई जितेका छन् । नगरपालिकाका स्वास्थ्य प्रमुख हेमराज पन्थीले कोरोना संक्रमण देखिएका तर कुनै लक्षण नभएकालाई आइसोलेसनमा राखिएकाको परिक्षण नेगेटिभ आएपछि डिस्चार्ज गरिएको बताउनुभयो ।

सरकारले पिसीआर नेगेटिभ आएमा १५ दिन कटाएर पठाउन सक्ने निर्देशिका बनाए अनुसार उनीहरुलाई डिस्चार्ज गरिएको पन्थीले बताउनुभयो । सैनामैनाले आइसुलेसनमा १७ दिन बसालेर अबको एक हप्ता घरमा सामाजिक दुरी सहित बस्ने शर्तमा उनीहरुलाई डिस्चार्ज गरेको हो ।

यि संख्या २ दिनको प्रतिनिधीमूलकमात्र हो अन्य जिल्लाबाट धेरै निको हुनुभएको छ तर मन्त्रालय दैनिक ९ जना निको भएको दावी गरेको छ । कोरोन संक्रमितको संख्या बढि देखाउदा अन्तराष्टि सहयोगको अपक्षा हो या जनमानसमा त्रास फैलाउन हो यो बारे मन्त्रालयले तत्काल सोच्नुपर्ने देखिन्छ ।