काठमाडौं, २३ जेठ ।  कर्णाली प्रदेश र जिल्लामा दक्ष जनशक्ति र सुविधा सम्पन्न आइसुलेसन र औषधिको व्यवस्था गरी संक्रमितको उपचार गरिनुपर्ने प्रतिनिधिसभा सांसद पार्वति विशुन्केले बताउनु भएको छ । उहाले रेड जोनमा परेको कर्णालीलाई विशेष प्राथमिकतामा राखी संघिय सरकारले कोरोना विशेष कार्यक्रम तय गरिनुपर्ने माग गर्नुभएको छ । आज प्रतिनिधीसभामा बोल्दै विकासका हिसावले कर्णालीलाई सधै उपेक्षा गरियो र संघियता आउदा पनि कर्णालीलाई नछुनु दुखद र विषय भएको बताउनुभयो ।

कर्णालीको रोदन कहिले सम्म सुनाउनु हो, यसरी नै सधै हेपीने, रोदन गरी राख्नु पर्ने र विकासमा पछाढी पर्नु पर्ने हो भने कर्णालीले सधै सहेर बस्दैन, कर्णालीलाई सदियौ उपेक्षा गरिए यस्को मुल्य राज्यलाई महंगो पर्न सक्छ । उहाले भन्नुभयो ।  पटक पटक कर्णालीको पानी उपयोग गर, बाटो, पुल पुलेसा, शिक्षा र स्वास्थ्यलाई विशेष प्राथमिकतामा राख भनेर तर संवोधन हुन नसकेन बताउदै उहाले सुर्खेत दैलेखको ६७ किमि बाटो विस्तार गरी डवल लेनको बनाउन संघिय सरकारसंग पटक पटक भनेको तर सुनुवाई नभएको समेत गुनासो गर्नुभयो । दैलेख सुर्खेतबाटो ६ जिल्लाको पायक पर्ने भएपनि तर सम्वोधन नभएको सांसद विशुन्केले बताउनुभयो ।

सुर्खेत दैलेख बजार महावुलेक भाल्तडी हुदै नाग्म भई नाग्चेनाग्ला जाने अन्तरदेशिय सडक राष्टिय गौरव मार्गमा पर्यो तर पैसा नै हरायो, अहिले विनियोजन गरीएको १८ करोड बजेट चित्त बुझाउन हालिएको छ यो यती लामो र अन्तरजिल्ला र देश जोड्ने बाटोमा हात्तिको मुखमा जिरा जतिकै हो । उहाले भन्नुभयो ।  निर्वाचन क्षेत्र विकास पुर्वाधार साझेदारी कार्यक्रम समानुपातिक वजेट विनियोजन पनि विभेदकारी भएको बताउदै कर्णालीका सबै जिल्ला जोड्दा काठमाडौं जतिको बजेट हुदैन, अब काठमाडौका जनता कर्णाली प्रदेशका जिल्लामा राखौ र काठमाडौं मा कर्णालीका जनता ३ महिना राखौ बल्ल थाहा हुन्छ कर्णालीको रोदन काठमाडौलाई गणितिय हिसवाले यो पनि समानुपातिक होइन यो पनि असमानता भएको बताउनुभयो ।

छिमेकीले अतिक्रमण गरेको जमिन सहित समावेश गरी नेपालको नक्सा प्रशसन गर्न सफल भुमि मन्त्रीले भुमि आयोगको जिल्ला जिल्लामा संरचना विस्तार गरी सदियौ देखिको भुमि समस्या निरुपण यही सरकार र बहालवाला मन्त्रीबाट गर्नका लागि आग्रह गर्दै सांसद विशुन्केले सधै कर्णालीले रोदन सुनाएर, उपेक्षामा परेर, हेपीएर नवस्ने र यसरी नै उपेक्षा गरिए कर्णाली सहेर नवस्ने र यसको मुल्य राज्यलाई महंगो पर्ने विषयमा सदनमा जानकारी गराउनुभयो ।