काठमाडौं, २२ जेठ । धरान धरान १५ मा रहेको स्वीमिङ पुल पछाडी रहेको नरबहादुर श्रेष्ठको घरमा लागेको आगो नियन्त्रणमा आएको छ । बिहिबार विहान भएको आगलागिमा परि नरबहादुर श्रेष्ठको आमा ८७ बर्षिय धनकुमारी श्रेष्ठ र बहिनी ५८ बर्षिय बोल्न नसक्ने सीता श्रेष्ठको जलेर मृत्यू भएको प्रहरीले जनाएको छ । आगलागि हुनुको मुख्य कारण अझै खुल्न नसके पनि स्थानियका अनुसार ग्याँस लिक भएर आगलागि भएको भन्ने अनुमान गरिएको छ । आगलागी हुदा बोल्न नसक्ने छोरी लिन भित्र जादा आमा छोरी दुबैजना आगोमा जलेको स्थानियबासीहरुले बताएका छन् ।

एक तला गाह्रो लगाएको र अर्काे तला काठले बनेको दुईतले घर जलेर पुर्णरुपमा नष्ट भएको छ । मृतक दुवै जनाको शव घरको तलामाथि जलेको अवस्थामा भेटिएको प्रहरीले जनाएको छ ।

मृतक दुवै जनाको शव पोष्टमार्टमका लागि बीपी कोईराला स्वास्थ्य विज्ञान प्रतिष्ठानमा लगिने इलाका प्रहरी कार्यालय धरानका प्रमुख डिएसपी ढुण्डिराज न्यौपानेले जानकारी दिएका छन् । आगलागिको मानविय क्षति बाहेकको अरु विवरण आईसकेको छैन ।