काठमाडौं, १९ चैत (एबीसी न्युज) । विश्व महामारी बनेको क्रोना भाइरसबाट अहिलेसम्म सबैभन्दा बढी अमेरिकी नागरिक संक्रमित भएका छन् । विश्व स्वास्थ्य संगठनका अनुसार अमेरिकामा यो समाचार तयार पार्दासम्म १ लाख ८५ हजार २७० जना संक्रमित भएका छन् । पछिल्लो १२ घण्टामा मात्र अमेरिकाममा २१ हजारभन्दा बढी नयां संक्रमित भेटिएका छन् भने ६३९ जनाले जीवन गुमाएका छन् ।
कोभिड –१९ बाट अमेरिकामा ज्यान गुमाउनेहरुको संख्या ३७८० पुगेको छ । पछिल्लो १२ घण्टामा विश्वभर ४२३३ भन्दा बढीले ज्यान गुमाएका छन् । यसरी अहिलेसम्म विश्वभर ४२ हजारभन्दा बढीले ज्यान गुमाएका छन् भने ८ लाख ५७ हजार बढी संक्रमित देखिएका छन ।
यस तथ्याङ्क अनुसार कोभिड)१९ को इपिसेन्टर चीनबाट इटाली र अब अमेरिका बन्न पुगेको छ ।
हलसम्म इटालीमा१ लमा ५ हजारभन्दा बढी संक्रमित र १२४८३ जनाको निधन भएको छ । मर्नेहरुको संख्याका हिसाबले इटाली सबैभन्दा अगाडि र निकै ठूलो जोखिममा देखिन्छ । पछिल्लो १२ घण्टामा पनि सबै भन्दा बढी ८३७ जनाले इटालीमा नै ज्यान गुमाएका छन् । त्यसो त युरोपकै स्पेनमा ९५ हजार बढी संक्रमित र ८४६४ जनाको ज्यान गएको छ। ।
चीनमा भने पछिल्लो २४ घण्टामा मर्ने र संक्रमित हुनेको नयां तथ्याङ्क शून्य छ । हालसम्म चीनमा ८१ ह्जार बढी संक्रमित र ३३०५ जनाको निधन भएको पुरानै तथ्याङ छ ।
युरोपकै पावर इन्जिन मानिने जर्मनीमा ७१ हजार बढी संक्रमित र ७७५ जनाले ज्यान गुमाएका छन् भने फ्रान्समा ५२ हजार बढी संक्रमित हुंदा ३५२३ जनाले ज्यान गुमाउने डरलाग्दो अवस्था देखिएको छ । बेलायतमा २५ हजार बढी संक्रमित हुंदा १७८९ जनाले ज्यान गुमाउन पुगेका छन् । बेलायत र बेज्यिमसंगै जोडिएको नेरदल्याण्डसमा १२ हजारबढी संक्रमित हुंदा १०३९ जनाले ज्यान गुमाउन पुगेका छन्। त्यसैगरी बेल्जियममा १२ हजार बढी नै संक्रमित हुंदा ७०५जनाको निधन भएको छ । पछिल्लो तथ्याङ्कले कोभिड –१९ले युरोप र उत्तर अमेरिकाले सवैभन्दा बढी जोखिममा पारेको देखिएको छ। ।
इरानमा हालसम्म ४४ हजार बढी संक्रमित र २८९८ जनाले ज्यान गुमाउन पुगेका छन् ।
दक्षिण एशियाली देश पाकिस्तानमा हालसम्म १९३८ जना संक्रमित र २६ जनाको निधन भएको छ भने भारतमा १३९७ संक्रमित र ३५, अफगानिस्तानमा १७४ जना संक्रिमत र ४ जनाको निधन भएको डव्लु एचओले जनाएको छ । त्यसैगरी श्रींलंकामा १४३ संक्रमित र २ जनाको निधन भएको छ भने वंगलादेशमा ५१ जना संक्रमित हुंदा ५ जनाको निधन भएको छ । मालदिभ्समा हालसम्म जम्मा १८जना संक्रमित भएका छन्् । त्यसो त नेपालमा अहिलेसम्म जम्मा ५ जना संक्रमित रहेका छन् ।