काठमाडौं, १८ चैत । काठमाण्डौ जिल्ला प्रशासन कार्यालयमा सवारी साधन पास लिने नाममा अत्याधिक भिड देखिएको छ ।

काठमाण्डौ जिल्ला प्रशासन कार्यालयमा मंगलबार पास लिन आउनेहरुको भीड अस्वभाविक देखिन्छ। । पहिलो चरणको लकडाउन अवधिभर संञ्चालन गर्न दिईएको पासको अवधि सकिएकाले मंगलबार पास लिन आउनेहरुको भीड बढेको हो । तर न्युनतम सामाजिक दुरी कायम गराउने प्रशासनले पहल गरेको देखिएको छैन । प्रशासनबाट खटिएका अधिकारीले त्याहाँ भेला भएकाहरुलाइ, नाम बोलाउदै पास वितरण गरेकाछन् । लकडाउनको समयमा अत्यावश्यक क्षेत्रका कर्मचारी र सवारीसाधनलाई आवागमन सहज पार्न भन्दै सरकारले क्षेत्रअनुसार पास वितरण गर्ने निकाय तोकेपछि पास लिनेहरुको भीड ह्वात्तै बढेको हो । जिल्ला प्रशासन कार्यालयले आकस्मिक सवारी पास मात्रै दिने भनिए पनि विभिन्न क्षेत्रका व्यक्तिहरु पनि पास लिन कार्यालय पुगेको बताइएको छ ।

बैक तथा वित्तीय संस्थाका कर्मचारीका लागि नेपाल राष्ट्र बैकले, राष्ट्रसेवक कर्मचारीका लागि, संघीय मामिला तथा सामान्य प्रशासन मन्त्रालयल र खाद्य वस्तु लगायत दैनिक उपभोग्य वस्तुहरु ढुवानी वा आपूर्ति गर्ने फार्म तथा प्रतिष्ठानहरुका लागि वाणिज्य तथा आपूर्ति व्यवस्थापन विभागबाट सवारी पास वितरण गर्ने व्यवस्था मिलाइएको छ