काठमाडौं, १७ फागुन । नेपाल सरकारका गृहमन्त्री राम बहादुर थापा (बादल) ले सिमा सुरक्षामा कडाई गर्नका लागि (बीओपी) बोर्डर आउट पोष्ट बढाउने बताउनु भएको छ ।

आज पोखरामा जारी गण्डकी प्रदेश स्तरिय सुरक्षा गोष्ठीमा बोल्दै थापाले सीमा सुरक्षा मजबुत बनाउका लागि बोर्डर आउट पोष्ट बढाईने बताउनु भएको हो । उहाले विगतका तुलनमा बोर्डर आउट पोष्ट दुई गुणा बढाईने योजना रहेको समेत बताउनुभयो । मन्त्री थापाले विगतमा ८७ पोष्ट रहेको बताउदै पछिल्लो समय बढाएर १४ बनाईएको उल्लेख गर्दै उहाले नेपालको पश्चिमी क्षेत्रमा सीमा सुरक्षामा समस्या भएको स्थानमा बोर्डर आउट पोष्ट खडा गर्नै प्रकृया सुरु भैसकेको बताउनुभयो ।

मन्त्री थापाले भारतले जारी गरेको नक्शा सरकारलाई स्वीकार्य नहुने भएकाले कुटनीतिक तवरबाट समाधानका लागि प्रकृया भैरहेको बताउनुभयो । उहाले प्रकृया अन्तिम चरणमा पुगेको समेत बताउदै लिम्पियाधुरा, कालापानी नेपालकै भुभाग रहेको दाबी गर्नुभयो