काठमाडौ, २९ माघ । अर्थमन्त्री डा. युवराज खतिवडाले आज चालु आर्थिक वर्षको बजेटको अर्धवार्षिक समिक्षा गर्दै हुनुहुन्छ ।

अहिले केहिबेरमा अर्थमन्त्रालयको सुवर्ण हलमा गरिने चालु आर्थिक वर्ष २०७६/०७७ को बजेटको अर्धवार्षिक समिक्षामा बजेटको आकार र आर्थिक वृद्धिदर घटाउने अनुमान गरिएको छ । राजश्व संकलनमा कमी आएको र पुँजीगत खर्च पनि कम भएकाले बजेटको आकार घटाउने अनुमान गरिएको हो । चालु वर्षको बजेट आकार १५ खर्ब ३२ अर्ब रुपैया“ रहेको छ । यो वर्षको आर्थिक वृद्धिदर साढे ८ प्रतिशत राखिएको छ । त्यसलाई पनि घटाउने अनुमान गरिएको छ । साढे ८ प्रतिशतको आर्थिक वृद्धि गर्न नसकिने अवस्था आएपछि अर्थमन्त्री खतिवडाले त्यसलाई संशोधन गर्न लाग्नुभएको हो । अन्तर्राष्ट्रिय मुद्रा कोषले चालु आर्थिक वर्ष ६ प्रतिशत आर्थिक वृद्धि हुने प्रक्षेपण गरिसकेको छ । तर, सरकारले ७ प्रतिशतको हाराहारीमा मात्र आर्थिक वृद्धि हुने अनुमान गरेको छ । सात महिना बित्दा चालु ३७ प्रतिशत र पु“जीगत १८ प्रतिशत मात्रै खर्च भएको छ ।

यो वर्ष सरकारले ४ खर्ब ८ अर्ब पुँजीगत खर्च शीर्षकमा बजेट विनियोजन गरेको छ । राजस्व संकलन पनि लक्ष्यभन्दा कमी छ । चालु आर्थिक वर्षको ७ महिनामा सरकारले आन्तरिक र भन्सार महसुल संकलन गरी कुल ४ खर्ब ३५ अर्ब राजस्व संकलन गरेको छ । यो लक्ष्यभन्दा १ खर्ब ५ अर्ब कम हो ।